کل کے لیے کر آج نہ خست شراب میں — مرزا غالب
شاعر
کل کے لیے کر آج نہ خست شراب میں
کل کے لیے کر آج نہ خست شراب میں
یہ سوء ظن ہے ساقی کوثر کے باب میں
ہیں آج کیوں ذلیل کہ کل تک نہ تھی پسند
گستاخی فرشتہ ہماری جناب میں
جاں کیوں نکلنے لگتی ہے تن سے دم سماع
گر وہ صدا سمائی ہے چنگ و رباب میں
رو میں ہے رخش عمر کہاں دیکھیے تھمے
نے ہاتھ باگ پر ہے نہ پا ہے رکاب میں
اتنا ہی مجھ کو اپنی حقیقت سے بعد ہے
جتنا کہ وہم غیر سے ہوں پیچ و تاب میں
اصل شہود و شاہد و مشہود ایک ہے
حیراں ہوں پھر مشاہدہ ہے کس حساب میں
ہے مشتمل نمود صور پر وجود بحر
یاں کیا دھرا ہے قطرہ و موج و حباب میں
شرم اک ادائے ناز ہے اپنے ہی سے سہی
ہیں کتنے بے حجاب کہ ہیں یوں حجاب میں
آرایش جمال سے فارغ نہیں ہنوز
پیش نظر ہے آئنہ دایم نقاب میں
ہے غیب غیب جس کو سمجھتے ہیں ہم شہود
ہیں خواب میں ہنوز جو جاگے ہیں خواب میں
غالبؔ ندیم دوست سے آتی ہے بوئے دوست
مشغول حق ہوں بندگی بو تراب میں
Kal ke liye kar aaj na khast-e-sharab mein
Kal ke liye kar aaj na khast-e-sharab mein
Yeh soo-e-zan hai saaqi-e-kausar ke baab mein
Hain aaj kyun zaleel ke kal tak na thi pasand
Gustakhi-e-farishta hamari janab mein
Jaan kyun nikalne lagti hai tan se dam-e-sama'a
Gar wo sada samayi hai chang-o-rabab mein
Rau mein hai rakhsh-e-umr kahan dekhiye thame
Ne haath baag par hai na pa hai rakab mein
Itna hi mujh ko apni haqeeqat se ba'ad hai
Jitna ke wahm-e-ghair se hun pech-o-taab mein
Asl-e-shahood-o-shaahid-o-mashhood ek hai
Hairan hun phir mushahida hai kis hisab mein
Hai mushtamil namood-e-suwar par wujood-e-bahr
Yaan kya dhara hai qatra-o-mauj-o-habaab mein
Sharam ek ada-e-naaz hai apne hi se sahi
Hain kitne be-hijab ke hain yoon hijab mein
Aaraish-e-jamal se farigh nahin hunooz
Pesh-e-nazar hai aaina daaym naqab mein
Hai ghaib-e-ghaib jis ko samjhte hain hum shahood
Hain khwab mein hunooz jo jaage hain khwab mein
Ghalibؔ Nadeem-e-dost se aati hai boo-e-dost
Mashghool-e-haq hun bandagi-e-boo Turab mein
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں