کسی کو دے کے دل کوئی نواسنج فغاں کیوں ہو — مرزا غالب
شاعر
کسی کو دے کے دل کوئی نواسنج فغاں کیوں ہو
کسی کو دے کے دل کوئی نواسنج فغاں کیوں ہو
نہ ہو جب دل ہی سینے میں تو پھر منہ میں زباں کیوں ہو
وہ اپنی خو نہ چھوڑیں گے ہم اپنی وضع کیوں چھوڑیں
سبک سر بن کے کیا پوچھیں کہ ہم سے سرگراں کیوں ہو
کیا غم خوار نے رسوا لگے آگ اس محبت کو
نہ لاوے تاب جو غم کی وہ میرا رازداں کیوں ہو
وفا کیسی کہاں کا عشق جب سر پھوڑنا ٹھہرا
تو پھر اے سنگ دل تیرا ہی سنگ آستاں کیوں ہو
قفس میں مجھ سے روداد چمن کہتے نہ ڈر ہمدم
گری ہے جس پہ کل بجلی وہ میرا آشیاں کیوں ہو
یہ کہہ سکتے ہو ہم دل میں نہیں ہیں پر یہ بتلاؤ
کہ جب دل میں تمہیں تم ہو تو آنکھوں سے نہاں کیوں ہو
غلط ہے جذب دل کا شکوہ دیکھو جرم کس کا ہے
نہ کھینچو گر تم اپنے کو کشاکش درمیاں کیوں ہو
یہ فتنہ آدمی کی خانہ ویرانی کو کیا کم ہے
ہوئے تم دوست جس کے دشمن اس کا آسماں کیوں ہو
یہی ہے آزمانا تو ستانا کس کو کہتے ہیں
عدو کے ہو لیے جب تم تو میرا امتحاں کیوں ہو
کہا تم نے کہ کیوں ہو غیر کے ملنے میں رسوائی
بجا کہتے ہو سچ کہتے ہو پھر کہیو کہ ہاں کیوں ہو
نکالا چاہتا ہے کام کیا طعنوں سے تو غالبؔ
ترے بے مہر کہنے سے وہ تجھ پر مہرباں کیوں ہو
Kisi ko de ke dil koi nawa-sanj-e-fughan kyun ho
Kisi ko de ke dil koi nawa-sanj-e-fughan kyun ho
Na ho jab dil hi seene mein to phir munh mein zubaan kyun ho
Woh apni kho na chhodenge hum apni waza kyun chhodein
Subuk-sar ban ke kya poochhein ke hum se sar-giraan kyun ho
Kya gham-khwar ne ruswa, lage aag us muhabbat ko
Na laave taab jo gham ki, woh mera raazdaan kyun ho
Wafa kaisi, kahaan ka ishq jab sar phodna thehra
To phir ae sang-dil tera hi sang-e-aastaan kyun ho
Qafas mein mujh se rudaad-e-chaman kehte na dar hamdam
Giri hai jis pe kal bijli woh mera aashiyan kyun ho
Yeh keh sakte ho hum dil mein nahin hain par yeh batlaao
Ke jab dil mein tumhin tum ho to aankhon se nihaan kyun ho
Ghalat hai jazb-e-dil ka shikwa dekho jurm kis ka hai
Na khencho gar tum apne ko, kashaakash darmiyaan kyun ho
Yeh fitna aadmi ki khana-veerani ko kya kam hai
Hue tum dost jis ke dushman us ka aasmaan kyun ho
Yehi hai aazmana to satana kis ko kehte hain
Adoo ke ho liye jab tum to mera imtihaan kyun ho
Kaha tumne ke kyun ho ghair ke milne mein ruswai
Baja kehte ho, sach kehte ho, phir kahiyo ke haan kyun ho
Nikala chahta hai kaam kya ta'non se tu Ghalib
Tere be-mehr kehne se woh tujh par mehrbaan kyun ho
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں