کوئی دن گر زندگانی اور ہے — مرزا غالب
شاعر
کوئی دن گر زندگانی اور ہے
کوئی دن گر زندگانی اور ہے
اپنے جی میں ہم نے ٹھانی اور ہے
آتش دوزخ میں یہ گرمی کہاں
سوز غم ہائے نہانی اور ہے
بارہا دیکھی ہیں ان کی رنجشیں
پر کچھ اب کے سرگرانی اور ہے
دے کے خط منہ دیکھتا ہے نامہ بر
کچھ تو پیغام زبانی اور ہے
قاطع اعمار ہے اکثر نجوم
وہ بلائے آسمانی اور ہے
ہو چکیں غالبؔ بلائیں سب تمام
ایک مرگ ناگہانی اور ہے
Koi din gar zindagani aur hai
Koi din gar zindagani aur hai
Apne ji mein hum ne thani aur hai
Aatish-e-dozakh mein yeh garmi kahaan
Soz-e-gham-ha-e-nihaani aur hai
Bar-ha dekhi hain un ki ranjishein
Par kuch ab ke sar-girani aur hai
De ke khat munh dekhta hai nama-bar
Kuch to paigham-e-zabani aur hai
Qati-e-a'maar hai aksar nujoom
Woh bala-e-aasmani aur hai
Ho chuke Ghalib balayein sab tamam
Ek marg-e-nagahani aur hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں