کیا تنگ ہم ستم زدگاں کا جہان ہے — مرزا غالب
شاعر
کیا تنگ ہم ستم زدگاں کا جہان ہے
کیا تنگ ہم ستم زدگاں کا جہان ہے
جس میں کہ ایک بیضۂ مور آسمان ہے
ہے کائنات کو حرکت تیرے ذوق سے
پرتو سے آفتاب کے ذرے میں جان ہے
حالانکہ ہے یہ سیلی خارا سے لالہ رنگ
غافل کو میرے شیشے پہ مے کا گمان ہے
کی اس نے گرم سینۂ اہل ہوس میں جا
آوے نہ کیوں پسند کہ ٹھنڈا مکان ہے
کیا خوب تم نے غیر کو بوسہ نہیں دیا
بس چپ رہو ہمارے بھی منہ میں زبان ہے
بیٹھا ہے جو کہ سایۂ دیوار یار میں
فرماں رواۓ کشور ہندوستان ہے
ہستی کا اعتبار بھی غم نے مٹا دیا
کس سے کہوں کہ داغ جگر کا نشان ہے
ہے بارے اعتماد وفا داری اس قدر
غالبؔ ہم اس میں خوش ہیں کہ نامہربان ہے
دہلی کے رہنے والو اسدؔ کو ستاؤ مت
بے چارہ چند روز کا یاں میہمان ہے
Kya tang hum sitam-zadagaan ka jahan hai
Kya tang hum sitam-zadagaan ka jahan hai
Jis mein ke ek baiza-e-mor aasmaan hai
Hai kainat ko harakat tere zauq se
Partav se aaftab ke zarre mein jaan hai
Haalanke hai yeh seeli khara se laala-rang
Ghafil ko mere sheeshe pe mai ka gumaan hai
Ki us ne garm seena ahl-e-hawas mein ja
Aave na kyun pasand ke thanda makaan hai
Kya khoob tum ne ghair ko bosa nahin diya
Bas chup raho hamare bhi munh mein zubaan hai
Baitha hai jo ke saaya-e-diwar-e-yaar mein
Farman-rawa-e-kishwar-e-hindostaan hai
Hasti ka aitbaar bhi gham ne mita diya
Kis se kahoon ke daagh-e-jigar ka nishaan hai
Hai baare aitmaad-e-wafa-daari is qadar
Ghalib hum is mein khush hain ke naamahrbaan hai
Dehli ke rehne waalo Asad ko satao mat
Be-chara chand roz ka yaan mehman hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں