لرزتا ہے مرا دل زحمت مہر درخشاں پر — مرزا غالب
شاعر
لرزتا ہے مرا دل زحمت مہر درخشاں پر
لرزتا ہے مرا دل زحمت مہر درخشاں پر
میں ہوں وہ قطرۂ شبنم کہ ہو خار بیاباں پر
نہ چھوڑی حضرت یوسف نے یاں بھی خانہ آرائی
سفیدی دیدۂ یعقوب کی پھرتی ہے زنداں پر
فنا تعلیم درس بے خودی ہوں اس زمانے سے
کہ مجنوں لام الف لکھتا تھا دیوار دبستاں پر
فراغت کس قدر رہتی مجھے تشویش مرہم سے
بہم گر صلح کرتے پارہ ہائے دل نمکداں پر
نہیں اقلیم الفت میں کوئی طورمار ناز ایسا
کہ پشت چشم سے جس کی نہ ہووے مہر عنواں پر
مجھے اب دیکھ کر ابر شفق آلودہ یاد آیا
کہ فرقت میں تری آتش برستی تھی گلستاں پر
بجز پرواز شوق ناز کیا باقی رہا ہوگا
قیامت اک ہوائے تند ہے خاک شہیداں پر
نہ لڑ ناصح سے غالبؔ کیا ہوا گر اس نے شدت کی
ہمارا بھی تو آخر زور چلتا ہے گریباں پر
دل خونیں جگر بے صبر و فیض عشق مستغنی
الٰہی یک قیامت خاور آ ٹوٹے بدخشاں پر
اسدؔ اے بے تحمل عربدہ بیجا ہے ناصح سے
کہ آخر بے کسوں کا زور چلتا ہے گریباں پر
Larazta hai mera dil zahamat-e-mehr-e-darakhshan par
Larazta hai mera dil zahamat-e-mehr-e-darakhshan par
Main hoon woh qatra-e-shabnam ke ho khar-e-biyabaan par
Na chhodi hazrat-e-Yusuf ne yaan bhi khana-aaraai
Safeedi-e-dida-e-Yaqub ki phirti hai zindaan par
Fana taaleem-e-dars-e-be-khudi hoon us zamane se
Ke Majnoon laam-alif likhta tha diwar-e-dabistaan par
Faraghat kis qadar rehti mujhe tashwish-e-marham se
Baham gar sulh karte paara-ha-e-dil namakdaan par
Nahin iqleem-e-ulfat mein koi Toor-e-maar-e-naaz aisa
Ke pusht-e-chashm se jis ki na hove mehr-e-unwaan par
Mujhe ab dekh kar abr-e-shafaq-aalooda yaad aaya
Ke furqat mein teri aatish barasti thi gulistaan par
Bajuz parwaaz-e-shauq-e-naaz kya baqi raha hoga
Qayamat ek hawa-e-tez hai khak-e-shaheedaan par
Na lad Naasih se Ghalib kya hua gar us ne shiddat ki
Hamara bhi to akhir zor chalta hai garebaan par
Dil-e-khunin jigar be-sabr-o-faiz-e-ishq mustaghni
Ilahi yak qayamat khawar aa toote Badakhshaan par
Asad ae be-tahammul arbadah beja hai Naasih se
Ke akhir be-kason ka zor chalta hai garebaan par
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں