محرم نہیں ہے تو ہی نوا ہائے راز کا — مرزا غالب
شاعر
محرم نہیں ہے تو ہی نوا ہائے راز کا
محرم نہیں ہے تو ہی نوا ہائے راز کا
یاں ورنہ جو حجاب ہے پردہ ہے ساز کا
رنگ شکستہ صبح بہار نظارہ ہے
یہ وقت ہے شگفتن گل ہائے ناز کا
تو اور سوئے غیر نظر ہائے تیز تیز
میں اور دکھ تری مژہ ہائے دراز کا
صرفہ ہے ضبط آہ میں میرا وگرنہ میں
طعمہ ہوں ایک ہی نفس جاں گداز کا
ہیں بسکہ جوش بادہ سے شیشے اچھل رہے
ہر گوشۂ بساط ہے سر شیشہ باز کا
کاوش کا دل کرے ہے تقاضا کہ ہے ہنوز
ناخن پہ قرض اس گرہ نیم باز کا
تاراج کاوش غم ہجراں ہوا اسدؔ
سینہ کہ تھا دفینہ گہر ہائے راز کا
Mahram nahin hai tu hi nawa-ha-e-raaz ka
Mahram nahin hai tu hi nawa-ha-e-raaz ka
Yaan warna jo hijaab hai parda hai saaz ka
Rang-e-shikasta-e-subh-e-bahar nazzara hai
Yeh waqt hai shagufatan-e-gul-ha-e-naaz ka
Tu aur su-e-ghair nazar-ha-e-tez tez
Main aur dukh teri mazah-ha-e-daraaz ka
Sarfa hai zabt-e-aah mein mera wagarna main
Touma hoon ek hi nafas-e-jaan-gudaz ka
Hain bas-ke josh-e-baada se sheeshe uchhal rahe
Har gosha-e-bisaat hai sar-e-sheesha-baaz ka
Kawish ka dil kare hai taqaza ke hai hunooz
Nakhoon pe qarz us girah-e-neem-baaz ka
Taraaj-e-kawish-e-gham-e-hijraan hua Asad
Seena ke tha dafeena-e-gohar-ha-e-raaz ka
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں