مانع دشت نوردی کوئی تدبیر نہیں — مرزا غالب
شاعر
مانع دشت نوردی کوئی تدبیر نہیں
مانع دشت نوردی کوئی تدبیر نہیں
ایک چکر ہے مرے پانو میں زنجیر نہیں
شوق اس دشت میں دوڑائے ہے مجھ کو کہ جہاں
جادہ غیر از نگہ دیدۂ تصویر نہیں
حسرت لذت آزار رہی جاتی ہے
جادۂ راہ وفا جز دم شمشیر نہیں
رنج نومیدی جاوید گوارا رہیو
خوش ہوں گر نالہ زبونی کش تاثیر نہیں
سر کھجاتا ہے جہاں زخم سر اچھا ہو جائے
لذت سنگ بہ اندازۂ تقریر نہیں
جب کرم رخصت بیباکی و گستاخی دے
کوئی تقصیر بجز خجلت تقصیر نہیں
غالبؔ اپنا یہ عقیدہ ہے بقول ناسخؔ
آپ بے بہرہ ہے جو معتقد میرؔ نہیں
میرؔ کے شعر کا احوال کہوں کیا غالبؔ
جس کا دیوان کم از گلشن کشمیر نہیں
آئینہ دام کو پردے میں چھپاتا ہے عبث
کہ پری زاد نظر قابل تسخیر نہیں
مثل گل زخم ہے میرا بھی سناں سے توام
تیرا ترکش ہی کچھ آبستنیٔ تیر نہیں
Mane-e-dasht-navardi koi tadbir nahin
Mane-e-dasht-navardi koi tadbir nahin
Ek chakkar hai mere paanv mein zanjeer nahin
Shauq us dasht mein daudaye hai mujh ko ke jahan
Jaadah ghair az nigah-e-dida-e-tasweer nahin
Hasrat-e-lazzat-e-aazaar rahi jaati hai
Jaadah-e-raah-e-wafa juz dam-e-shamshir nahin
Ranj-e-na-ummeedi-e-javved gawara rahiyo
Khush hoon gar naala zabooni kash-e-taaseer nahin
Sar khujlata hai jahan zakhm-e-sar achha ho jaaye
Lazzat-e-sang ba-andaza-e-taqreer nahin
Jab karam rukhsat-e-be-baaki-o-gustaakhi de
Koi taqseer bajuz khijlat-e-taqseer nahin
Ghalib apna yeh aqeeda hai ba-qaul-e-Naasikh
Aap be-bahra hai jo moataqid-e-Meer nahin
Meer ke sher ka ahwaal kahoon kya Ghalib
Jis ka diwan kam az gulshan-e-Kashmir nahin
Aaina-e-daam ko parde mein chhupata hai abas
Ke pari-zad nazar qabil-e-taskhir nahin
Misl-e-gul zakhm hai mera bhi sanaan se tawaam
Tera tarkash hi kuch aabastani-e-teer nahin
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں