مسجد کے زیر سایہ خرابات چاہیے — مرزا غالب
شاعر
مسجد کے زیر سایہ خرابات چاہیے
مسجد کے زیر سایہ خرابات چاہیے
بھوں پاس آنکھ قبلۂ حاجات چاہیے
عاشق ہوئے ہیں آپ بھی ایک اور شخص پر
آخر ستم کی کچھ تو مکافات چاہیے
دے داد اے فلک دل حسرت پرست کی
ہاں کچھ نہ کچھ تلافئ مافات چاہیے
سیکھے ہیں مہ رخوں کے لیے ہم مصوری
تقریب کچھ تو بہر ملاقات چاہیے
مے سے غرض نشاط ہے کس رو سیاہ کو
اک گونہ بے خودی مجھے دن رات چاہیے
نشوونما ہے اصل سے غالبؔ فروع کو
خاموشی ہی سے نکلے ہے جو بات چاہیے
ہے رنگ لالہ و گل و نسریں جدا جدا
ہر رنگ میں بہار کا اثبات چاہیے
سر پائے خم پہ چاہیے ہنگام بے خودی
رو سوئے قبلہ وقت مناجات چاہیے
یعنی بہ حسب گردش پیمانۂ صفات
عارف ہمیشہ مست مے ذات چاہیے
Masjid ke zer-e-saya-e-kharabat chahiye
Masjid ke zer-e-saya-e-kharabat chahiye
Bhaun paas aankh qibla-e-haajaat chahiye
Aashiq hue hain aap bhi ek aur shakhs par
Aakhir sitam ki kuch to mukafaat chahiye
De daad ae falak dil-e-hasrat-parast ki
Haan kuch na kuch talaaf-e-maafaat chahiye
Seekhe hain mah-rukhon ke liye hum musawwari
Taqreeb kuch to ba-har-e-mulaqaat chahiye
Mai se gharaz nishat hai kis ru-siyah ko
Ek goona be-khudi mujhe din raat chahiye
Nashw-o-numa hai asl se Ghalib furoo ko
Khamoshi hi se nikle hai jo baat chahiye
Hai rang-e-laala-o-gul-o-nasreen juda juda
Har rang mein bahar ka isbaat chahiye
Sar-e-paaye khum pe chahiye hangam-e-be-khudi
Ru su-e-qibla waqt-e-munajaat chahiye
Yaani ba-hasb-e-gardish-e-paimane sifat
Aarif hamesha mast-e-mai-e-zaat chahiye
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں