ملتی ہے خوئے یار سے نار التہاب میں — مرزا غالب
شاعر
ملتی ہے خوئے یار سے نار التہاب میں
ملتی ہے خوئے یار سے نار التہاب میں
کافر ہوں گر نہ ملتی ہو راحت عذاب میں
کب سے ہوں کیا بتاؤں جہان خراب میں
شب ہائے ہجر کو بھی رکھوں گر حساب میں
تا پھر نہ انتظار میں نیند آئے عمر بھر
آنے کا عہد کر گئے آئے جو خواب میں
قاصد کے آتے آتے خط اک اور لکھ رکھوں
میں جانتا ہوں جو وہ لکھیں گے جواب میں
مجھ تک کب ان کی بزم میں آتا تھا دور جام
ساقی نے کچھ ملا نہ دیا ہو شراب میں
جو منکر وفا ہو فریب اس پہ کیا چلے
کیوں بد گماں ہوں دوست سے دشمن کے باب میں
میں مضطرب ہوں وصل میں خوف رقیب سے
ڈالا ہے تم کو وہم نے کس پیچ و تاب میں
میں اور حظ وصل خدا ساز بات ہے
جاں نذر دینی بھول گیا اضطراب میں
ہے تیوری چڑھی ہوئی اندر نقاب کے
ہے اک شکن پڑی ہوئی طرف نقاب میں
لاکھوں لگاؤ ایک چرانا نگاہ کا
لاکھوں بناؤ ایک بگڑنا عتاب میں
وہ نالہ دل میں خس کے برابر جگہ نہ پائے
جس نالہ سے شگاف پڑے آفتاب میں
وہ سحر مدعا طلبی میں نہ کام آئے
جس سحر سے سفینہ رواں ہو سراب میں
غالبؔ چھٹی شراب پر اب بھی کبھی کبھی
پیتا ہوں روز ابر و شب ماہتاب میں
Milti hai khoo-e-yaar se naar-e-iltehaab mein
Milti hai khoo-e-yaar se naar-e-iltehaab mein
Kafir hoon gar na milti ho rahat azaab mein
Kab se hoon kya bataoon jahan-e-kharab mein
Shab-ha-e-hijr ko bhi rakhoon gar hisab mein
Ta phir na intezar mein neend aaye umar bhar
Aane ka ahd kar gaye aaye jo khwab mein
Qasid ke aate aate khat ek aur likh rakhoon
Main janta hoon jo woh likhenge jawab mein
Mujh tak kab un ki bazm mein aata tha daur-e-jaam
Saaqi ne kuch mila na diya ho sharab mein
Jo munkir-e-wafa ho fareb us pe kya chale
Kyun bad-gumaan hoon dost se dushman ke baab mein
Main muztarib hoon wasl mein khauf-e-raqib se
Dala hai tum ko wahm ne kis pech-o-taab mein
Main aur haz-e-wasl khuda-saaz baat hai
Jaan nazr deni bhool gaya iztiraab mein
Hai tewri chadhi hui andar naqab ke
Hai ek shikan padi hui taraf-e-naqab mein
Lakhaon lagao ek churana nigah ka
Lakhaon banao ek bigadna itaab mein
Woh nala dil mein khas ke barabar jagah na paaye
Jis nala se shigaf pade aaftab mein
Woh sehar muddaa-talbi mein na kaam aaye
Jis sehar se safeena rawan ho sarab mein
Ghalib chhuti sharab par ab bhi kabhi kabhi
Peeta hoon roz-e-abr-o-shab-e-mahtab mein
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں