نہ لیوے گر خس جوہر طراوت سبزۂ خط سے — مرزا غالب
شاعر
نہ لیوے گر خس جوہر طراوت سبزۂ خط سے
نہ لیوے گر خس جوہر طراوت سبزۂ خط سے
لگائے خانۂ آئینہ میں روئے نگار آتش
فروغ حسن سے ہوتی ہے حل مشکل عاشق
نہ نکلے شمع کے پا سے نکالے گر نہ خار آتش
شرر ہے رنگ بعد اظہار تاب جلوۂ تمکیں
کرے ہے سنگ پر خورشید آب روئے کار آتش
پناوے بے گداز موم ربط پیکر آرائی
نکالے کیا نہال شمع بے تخم شرار آتش
خیال دود تھا سر جوش سودائے غلط فہمی
اگر رکھتی نہ خاکستر نشینی کا غبار آتش
ہوائے پر فشانی برق خرمن ہائے خاطر ہے
ببال شعلۂ بیتاب ہے پروانہ زار آتش
نہیں برق و شرر جز وحشت ضبط تپیدن ہا
بلا گردان بے پروا خرامی ہائے یار آتش
دھوئیں سے آگ کے اک ابر دریا بار ہو پیدا
اسدؔ حیدر پرستوں سے اگر ہووے دو چار آتش
Na lewe gar khas-e-jauhar-e-taraawat sabza-e-khat se
Na lewe gar khas-e-jauhar-e-taraawat sabza-e-khat se
Lagaaye khaana-e-aa.iine me.n ruu-e-nigaar-e-aatish
Furogh-e-husn se hotī hai hal mushkil-e-aashiq
Na nikle shama.a ke paa se nikaale gar na khaar-e-aatish
Sharar hai rang ba.ad-e-izhaar-e-taab-e-jalwa-e-tamkeen
Kare hai sang par khurshid aab-e-ru-e-kaar-e-aatish
Pinave be-gudaaz-e-moom-e-rabt-e-paikar-aaraa.ii
Nikaale kyaa nihaal-e-shama.a be-tukhm-e-sharar-e-aatish
Khayaal-e-dood thaa sar-e-josh-e-saudaa-e-ghalat-fehmii
Agar rakhtī na khaakistar-nishiinii ka ghubaar-e-aatish
Hawaa-e-pur-fishaanii-e-barq-e-kharman-haaye-khaatir hai
Ba-baal-e-shola-e-be-taab hai parwaana-zaar-e-aatish
Nahī.n barq-o-sharar juz wahshat-e-zabt-e-tapidan-haa
Bala-garda.n be-parwaa khuraamī-haaye-yaar-e-aatish
Dhu.e.n se aag ke ek abr-e-dariyaa-baar ho paidaa
Asad-e-Haider-parastoo.n se agar howe do-chaar-e-aatish
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں