نفس نہ انجمن آرزو سے باہر کھینچ — مرزا غالب
شاعر
نفس نہ انجمن آرزو سے باہر کھینچ
نفس نہ انجمن آرزو سے باہر کھینچ
اگر شراب نہیں انتظار ساغر کھینچ
کمال گرمی سعیٔ تلاش دید نہ پوچھ
برنگ خار مرے آئنہ سے جوہر کھینچ
تجھے بہانۂ راحت ہے انتظار اے دل
کیا ہے کس نے اشارا کہ ناز بستر کھینچ
تری طرف ہے بہ حسرت نظارۂ نرگس
بہ کوری دل و چشم رقیب ساغر کھینچ
بہ نیم غمزہ ادا کر حق ودیعت ناز
نیام پردۂ زخم جگر سے خنجر کھینچ
مرے قدح میں ہے صہبائے آتش پنہاں
بروئے سفرہ کباب دل سمندر کھینچ
نہ کہہ کہ طاقت رسوائی وصال نہیں
اگر یہی عرق فتنہ ہے مکرر کھینچ
جنون آئنہ مشتاق یک تماشا ہے
ہمارے صفحے پہ بال پری سے مسطر کھینچ
خمار منت ساقی اگر یہی ہے اسدؔ
دل گداختہ کے میکدے میں ساغر کھینچ
Nafas na anjuman-e-aarzuu se baahar khe.nch
Nafas na anjuman-e-aarzuu se baahar khe.nch
Agar sharaab nahī.n intizaar-e-saaghar khe.nch
Kamaal-e-garmī-e-sa.ii-e-talaash-e-diid na puuchh
Ba-rang-e-khaar mere aa.iine se jauhar khe.nch
Tujhe bahaana-e-raahat hai intizaar ai dil
Kiyaa hai kis ne ishaaraa ki naaz-e-bistar khe.nch
Tirii taraf hai ba-hasrat nazaara-e-nargis
Ba-koorī-e-dil-o-chashm-e-raqīb saaghar khe.nch
Ba-nīm-e-ghamza adaa kar haq-e-wadī.at-e-naaz
Niyaam-e-parda-e-zakhm-e-jigar se khanjar khe.nch
Mere qadah me.n hai sahba-e-aatish pinhaa.n
Ba-ruu-e-safra kabaab-e-dil-e-samandar khe.nch
Na kah ki taaqat-e-ruswaa.ii-e-wisaal nahī.n
Agar yahī araq-e-fitna hai mukarrar khe.nch
Junuu.n aa.iina-e-mushtaaq-e-yak-tamaasha hai
Hamaare safhe pe baal-e-parī se mastar khe.nch
Khumaar-e-minnat-e-saaqī agar yahī hai Asad
Dil-gudaakhta ke maikade me.n saaghar khe.nch
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں