نکوہش ہے سزا فریادی بے داد دلبر کی — مرزا غالب
شاعر
نکوہش ہے سزا فریادی بے داد دلبر کی
نکوہش ہے سزا فریادی بے داد دلبر کی
مبادا خندۂ دنداں نما ہو صبح محشر کی
رگ لیلیٰ کو خاک دشت مجنوں ریشگی بخشے
اگر بووے بجاۓ دانہ دہقاں نوک نشتر کی
پر پروانہ شاید بادبان کشتی مے تھا
ہوئی مجلس کی گرمی سے روانی دور ساغر کی
کروں بے داد ذوق پر فشانی عرض کیا قدرت
کہ طاقت اڑ گئی اڑنے سے پہلے میرے شہ پر کی
کہاں تک روؤں اس کے خیمے کے پیچھے قیامت ہے
مری قسمت میں یارب کیا نہ تھی دیوار پتھر کی
بجز دیوانگی ہوتا نہ انجام خود آرائی
اگر پیدا نہ کرتا آئنہ زنجیر جوہر کی
غرور لطف ساقی نشۂ بیباکی مستاں
نم دامان عصیاں ہے طراوت موج کوثر کی
مرا دل مانگتے ہیں عاریت اہل ہوس شاید
یہ جانا چاہتے ہیں آج دعوت میں سمندر کی
اسدؔ جز آب بخشیدن ز دریا خضر کو کیا تھا
ڈبوتا چشمۂ حیواں میں گر کشتی سکندر کی
Nikoohish hai sazaa fariyaadī-e-be-daad-e-dilbar kī
Nikoohish hai sazaa fariyaadī-e-be-daad-e-dilbar kī
Mubaada khanda-e-dandaa.n-numaa ho subh-e-mahshar kī
Rag-e-Laila ko khaak-e-dasht-e-Majnuu.n reshagī bakhshe
Agar bo.e bajaaye daana-e-dehqaa.n nok-e-nishtar kī
Par-e-parwaana shaayad baadbaan-e-kashtī-e-mai thaa
Hu.ii majlis kī garmī se rawaanī daur-e-saaghar kī
Karuu.n be-daad-e-zauq-e-pur-fishaanii arz kyaa qudrat
Ki taaqat u.D ga.ii u.Dne se pahle mere shahpar kī
Kahaa.n tak ro.uu.n us ke khaime ke pīchhe qayaamat hai
Merī qismat me.n yaarab kyaa na thī dīwaar patthar kī
Ba-juz dīvaanagī hota na anjaam-e-khud-aaraa.ii
Agar paidaa na kartaa aa.iina za.njiir-e-jauhar kī
Ghuroor-e-lutf-e-saaqī nasha-e-be-baakī-e-mastaa.n
Nam-e-daaman-e-isyaa.n hai taraawat-e-mauj-e-kausar kī
Meraa dil maa.ngte hai.n aariyat ahl-e-hawas shaayad
Ye jaanaa chaahte hai.n aaj da.awat me.n samandar kī
Asad juz aab-bakhshīdan za daryaa Khizr ko kyaa thaa
Dubotaa chashma-e-haiwaa.n me.n gar kashtī Sikandar kī
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں