نکتہ چیں ہے غم دل اس کو سنائے نہ بنے — مرزا غالب
شاعر
نکتہ چیں ہے غم دل اس کو سنائے نہ بنے
نکتہ چیں ہے غم دل اس کو سنائے نہ بنے
کیا بنے بات جہاں بات بنائے نہ بنے
میں بلاتا تو ہوں اس کو مگر اے جذبۂ دل
اس پہ بن جائے کچھ ایسی کہ بن آئے نہ بنے
کھیل سمجھا ہے کہیں چھوڑ نہ دے بھول نہ جائے
کاش یوں بھی ہو کہ بن میرے ستائے نہ بنے
غیر پھرتا ہے لیے یوں ترے خط کو کہ اگر
کوئی پوچھے کہ یہ کیا ہے تو چھپائے نہ بنے
اس نزاکت کا برا ہو وہ بھلے ہیں تو کیا
ہاتھ آویں تو انہیں ہاتھ لگائے نہ بنے
کہہ سکے کون کہ یہ جلوہ گری کس کی ہے
پردہ چھوڑا ہے وہ اس نے کہ اٹھائے نہ بنے
موت کی راہ نہ دیکھوں کہ بن آئے نہ رہے
تم کو چاہوں کہ نہ آؤ تو بلائے نہ بنے
بوجھ وہ سر سے گرا ہے کہ اٹھائے نہ اٹھے
کام وہ آن پڑا ہے کہ بنائے نہ بنے
عشق پر زور نہیں ہے یہ وہ آتش غالبؔ
کہ لگائے نہ لگے اور بجھائے نہ بنے
Nukta-chī.n hai gham-e-dil us ko sunaaye na bane
Nukta-chī.n hai gham-e-dil us ko sunaaye na bane
Kyaa bane baat jahaa.n baat banaaye na bane
Mai.n bulaataa to huu.n us ko magar ai jazba-e-dil
Us pe ban jaaye kuchh aisī ki ban aaye na bane
Khel samjha hai kahī.n chho.D na de bhuul na jaaye
Kaash yuu.n bhii ho ki bin mere sataaye na bane
Ghair phirtaa hai liye yuu.n tere khat ko ki agar
Ko.ī puuchhe ki ye kyaa hai to chhupaaye na bane
Is nazaakat ka buraa ho wo bhale hai.n to kyaa
Haath aa.e.n to unhe.n haath lagaaye na bane
Kah sake kaun ki ye jalwa-garī kis kī hai
Parda chho.Daa hai wo us ne ki uThaaye na bane
Maut kī raah na dekhoo.n ki bin aaye na rahe
Tum ko chaahuu.n ki na aao to bulaaye na bane
Bojh wo sar se giraa hai ki uThaaye na uThhe
Kaam wo aan pa.Daa hai ki banaaye na bane
Ishq par zor nahī.n hai ye wo aatish Ghalib
Ki lagaaye na lage aur bujhaaye na bane
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں