پھر کچھ اک دل کو بے قراری ہے — مرزا غالب
شاعر
پھر کچھ اک دل کو بے قراری ہے
پھر کچھ اک دل کو بے قراری ہے
سینہ جویائے زخم کاری ہے
پھر جگر کھودنے لگا ناخن
آمد فصل لالہ کاری ہے
قبلۂ مقصد نگاہ نیاز
پھر وہی پردۂ عماری ہے
چشم دلال جنس رسوائی
دل خریدار ذوق خواری ہے
وہی صد رنگ نالہ فرسائی
وہی صد گونہ اشک باری ہے
دل ہوائے خرام ناز سے پھر
محشرستان بیقراری ہے
جلوہ پھر عرض ناز کرتا ہے
روز بازار جاں سپاری ہے
پھر اسی بے وفا پہ مرتے ہیں
پھر وہی زندگی ہماری ہے
پھر کھلا ہے در عدالت ناز
گرم بازار فوجداری ہے
ہو رہا ہے جہان میں اندھیر
زلف کی پھر سرشتہ داری ہے
پھر دیا پارۂ جگر نے سوال
ایک فریاد و آہ و زاری ہے
پھر ہوئے ہیں گواہ عشق طلب
اشک باری کا حکم جاری ہے
دل و مژگاں کا جو مقدمہ تھا
آج پھر اس کی روبکاری ہے
بے خودی بے سبب نہیں غالبؔ
کچھ تو ہے جس کی پردہ داری ہے
Phir kuchh ik dil ko be-qaraarī hai
Phir kuchh ik dil ko be-qaraarī hai
Siina juyaa-e-zakhm-e-kaarī hai
Phir jigar khodne lagaa naakhun
Aamad-e-fasl-e-laala-kaarī hai
Qibla-e-maqsad-e-nigaah-e-niyaaz
Phir wahī parda-e-ammaarī hai
Chashm-e-dallaal-e-jins-e-ruswaa.ii
Dil kharīdaar-e-zauq-e-khwaarī hai
Wahī sad-rang naala-farsaa.ii
Wahī sad-guna ashq-baarī hai
Dil hawaa-e-khiraam-e-naaz se phir
Mahsharistaa.n-e-be-qaraarī hai
Jalwa phir arz-e-naaz kartaa hai
Roz-e-baazaar-e-jaa.n-sipaarī hai
Phir usī bewafaa pe marte hai.n
Phir wahī zindagī hamaarī hai
Phir khulaa hai dar-e-adaalat-e-naaz
Garm-e-baazaar-e-faujdaarī hai
Ho rahaa hai jahaa.n me.n andher
Zulf kī phir sarshta-daarī hai
Phir diyaa paara-e-jigar ne sawaal
Ek faryaad-o-aah-o-zaarī hai
Phir hu.e hai.n gawaah-e-ishq-talab
Ashq-baarī ka hukm jaarī hai
Dil-o-mizhgaa.n ka jo muqaddama thaa
Aaj phir us kī ro-bakaarii hai
Be-khudī be-sabab nahī.n Ghalib
Kuchh to hai jis kī parda-daarī hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں