قطرۂ مے بسکہ حیرت سے نفس پرور ہوا — مرزا غالب
شاعر
قطرۂ مے بسکہ حیرت سے نفس پرور ہوا
قطرۂ مے بسکہ حیرت سے نفس پرور ہوا
خط جام مے سراسر رشتۂ گوہر ہوا
اعتبار عشق کی خانہ خرابی دیکھنا
غیر نے کی آہ لیکن وہ خفا مجھ پر ہوا
گرمیٔ دولت ہوئی آتش زن نام نکو
خانۂ خاتم میں یاقوت نگیں اختر ہوا
نشہ میں گم کردہ راہ آیا وہ مست فتنہ خو
آج رنگ رفتہ دور گردش ساغر ہوا
درد سے در پردہ دی مژگاں سیاہاں نے شکست
ریزہ ریزہ استخواں کا پوست میں نشتر ہوا
زہد گردیدن ہے گرد خانہ ہائے منعماں
دانۂ تسبیح سے میں مہرہ در ششدر ہوا
اے بہ ضبط حال نا افسردگاں جوش جنوں
نشۂ مے ہے اگر یک پردہ نازک تر ہوا
اس چمن میں ریشہ داری جس نے سر کھینچا اسدؔ
تر زبان لفظ عام ساقیٔ کوثر ہوا
Qatra-e-mai bas-ke hairat se nafas-parvar hu.aa
Qatra-e-mai bas-ke hairat se nafas-parvar hu.aa
Khat-e-jaam-e-mai saraasar rishta-e-gauhar hu.aa
E.atibaar-e-ishq kī khaana-kharaabī dekhnaa
Ghair ne kī aah lekin wo khafaa mujh par hu.aa
Garmī-e-daulat hu.ī aatish-zan-e-naam-e-neku
Khaana-e-khaatam me.n yaaqut-e-nagī.n akhtar hu.aa
Nasha me.n gum-karda-raah aayaa wo mast-e-fitna-khuu
Aaj rang-e-rafta-e-daur-e-gardish-e-saaghar hu.aa
Dard se dar-parda dī mizhgaa.n-siyahaa.n ne shikast
Reza reza istakhwaa.n ka post me.n nishtar hu.aa
Zuhd-e-gardeeda.n hai gard-e-khaana-haaye-mun.imaa.n
Daana-e-tasbīh se mai.n muhra dar-e-shashdar hu.aa
Ai ba-zabt-e-haal-e-naa-afsurdagaa.n josh-e-junū.n
Nasha-e-mai hai agar yak parda naazuk-tar hu.aa
Is chaman me.n resha-daarī jis ne sar khe.nchaa Asad
Tar-zabaa.n lafz-e-aam-e-saaqī-e-kausar hu.aa
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں