رفتار عمر قطع رہ اضطراب ہے — مرزا غالب
شاعر
رفتار عمر قطع رہ اضطراب ہے
رفتار عمر قطع رہ اضطراب ہے
اس سال کے حساب کو برق آفتاب ہے
مینائے مے ہے سرو نشاط بہار سے
بال تدرو جلوۂ موج شراب ہے
زخمی ہوا ہے پاشنہ پاۓ ثبات کا
نے بھاگنے کی گوں نہ اقامت کی تاب ہے
جاداد بادہ نوشی رنداں ہے شش جہت
غافل گماں کرے ہے کہ گیتی خراب ہے
نظارہ کیا حریف ہو اس برق حسن کا
جوش بہار جلوے کو جس کے نقاب ہے
میں نا مراد دل کی تسلی کو کیا کروں
مانا کہ تیرے رخ سے نگہ کامیاب ہے
گزرا اسدؔ مسرت پیغام یار سے
قاصد پہ مجھ کو رشک سوال و جواب ہے
ظاہر ہے طرز قید سے صیاد کی غرض
جو دانہ دام میں ہے سو اشک کباب ہے
بے چشم دل نہ کر ہوس سیر لالہ زار
یعنی یہ ہر ورق ورق انتخاب ہے
Raftaar-e-umr qata-e-rah-e-iztiraab hai
Raftaar-e-umr qata-e-rah-e-iztiraab hai
Is saal ke hisaab ko barq-e-aaftaab hai
Meena-e-mai hai sarv-e-nishaat-e-bahaar se
Baal-e-tadrav jalwa-e-mauj-e-sharaab hai
Zakhmī hu.aa hai paashna-e-paa-e-subaat ka
Ne bhaagne kī goo.n na iqaamat kī taab hai
Jaadaad-e-baada-noshī-e-rindaa.n hai shash-jihat
Ghaafil gumaa.n kare hai ki geetī kharaab hai
Nazaara kyaa harīf ho us barq-e-husn ka
Josh-e-bahaar jalwe ko jis ke niqaab hai
Mai.n naa-muraad-e-dil kī tasallī ko kyaa karoo.n
Maana ki tere rukh se nigah kaamyaab hai
Guzraa Asad masarrat-e-paiGhaam-e-yaar se
Qaasid pe mujh ko rashk-e-sawaal-o-jawaab hai
Zaahir hai tarz-e-qaid se sayyaad kī gharaz
Jo daana daam me.n hai so ashk-e-kabaab hai
Be-chashm-e-dil na kar hawas-e-sair-e-laala-zaar
Ya.anii ye har waraq waraq intikhaab hai
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں