سراپا رہن عشق و نا گزیر الفت ہستی — مرزا غالب
شاعر
سراپا رہن عشق و نا گزیر الفت ہستی
سراپا رہن عشق و نا گزیر الفت ہستی
عبادت برق کی کرتا ہوں اور افسوس حاصل کا
بقدر ظرف ہے ساقی خمار تشنہ کامی بھی
جو تو دریاۓ مے ہے تو میں خمیازہ ہوں ساحل کا
ز بس خوں گشتۂ رشک وفا تھا وہم بسمل کا
چرایا زخم ہائے دل نے پانی تیغ قاتل کا
نگاۂ چشم حاسد وام لے اے ذوق خود بینی
تماشائی ہوں وحدت خانۂ آئینۂ دل کا
شرر فرصت نگہ سامان یک عالم چراغاں ہے
بہ قدر رنگ یاں گردش میں ہے پیمانہ محفل کا
سراسر تاختن کو شش جہت یک عرصہ جولاں تھا
ہوا واماندگی سے رہ رواں کی فرق منزل کا
مجھے راہ سخن میں خوف گم راہی نہیں غالب
عصاۓ خضر صحراۓ سخن ہے خامہ بے دل کا
Sarapa rahn-e-ishq-o-naguzir ulfat-e-hasti
Sarapa rahn-e-ishq-o-naguzir ulfat-e-hasti
Ibadat barq ki karta hoon aur afsos-e-hasil ka
Ba-qadar-e-zarf hai saqi khumar-e-tishna-kaami bhi
Jo tu darya-e-may hai to main khamyaza hoon sahil ka
Za-bas khoon-gashta-e-rashk-e-wafa tha wahm-e-bismil ka
Churaya zakhm-hay-e-dil ne pani tegh-e-qatil ka
Nigah-e-chashm-e-hasid wam le aye zauq-e-khud-beeni
Tamashai hoon wahdat-khana-e-aaina-e-dil ka
Sharar fursat-e-nigah saman-e-yak aalam chiraghan hai
Ba-qadar-e-rang yan gardish mein hai paimana-e-mahfil ka
Sarasar taakhtan ko shash-jihhat yak arsa-e-jolan tha
Hua wamandagi se rah-rawan ki farq-e-manzil ka
Mujhe rah-e-sukhan mein khauf-e-gumrahi nahin Ghalib
Asa-e-Khizr sahra-e-sukhan hai khama-e-be-dil ka
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں