شب کہ برق سوز دل سے زہرۂ ابر آب تھا — مرزا غالب
شاعر
شب کہ برق سوز دل سے زہرۂ ابر آب تھا
شب کہ برق سوز دل سے زہرۂ ابر آب تھا
شعلۂ جوالہ ہر یک حلقۂ گرداب تھا
واں کرم کو عذر بارش تھا عناں گیر خرام
گریہ سے یاں پنبۂ بالش کف سیلاب تھا
واں خود آرائی کو تھا موتی پرونے کا خیال
یاں ہجوم اشک میں تار نگہ نایاب تھا
جلوۂ گل نے کیا تھا واں چراغاں آب جو
یاں رواں مژگان چشم تر سے خون ناب تھا
یاں سر پر شور بے خوابی سے تھا دیوار جو
واں وہ فرق ناز محو بالش کمخواب تھا
یاں نفس کرتا تھا روشن شمع بزم بے خودی
جلوۂ گل واں بساط صحبت احباب تھا
فرش سے تا عرش واں طوفاں تھا موج رنگ کا
یاں زمیں سے آسماں تک سوختن کا باب تھا
ناگہاں اس رنگ سے خوں نابہ ٹپکانے لگا
دل کہ ذوق کاوش ناخن سے لذت یاب تھا
Shab ke barq-e-soz-e-dil se zahra-e-abr-e-aab tha
Shab ke barq-e-soz-e-dil se zahra-e-abr-e-aab tha
Shola-e-jawwala har yak halqa-e-girdaab tha
Waan karam ko uzr-e-baarish tha inan-geer-e-kharam
Girya se yahan panba-e-baalish-e-kaf-e-sailab tha
Waan khud-aaraai ko tha moti parone ka khayal
Yahan hujoom-e-ashk mein tar-e-nigah nayab tha
Jalwa-e-gul ne kiya tha waan chiraghan-e-aab-e-joo
Yahan rawan muzhgan-e-chashm-e-tar se khoon-e-nab tha
Yahan sar par shor-e-be-khwabi se tha diwar-e-joo
Waan wo farq-e-naz mahw-e-baalish-e-kamkhwab tha
Yahan nafas karta tha roshan shama-e-bazm-e-be-khudi
Jalwa-e-gul waan basat-e-sohbat-e-ahbab tha
Farsh se ta arsh waan toofan tha mauj-e-rang ka
Yahan zameen se asman tak sokhtan ka bab tha
Nagahan is rang se khoon-e-naba tapkane laga
Dil ke zauq-e-kawish-e-nakhun se lazzat-yab tha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں