وہ مری چین جبیں سے غم پنہاں سمجھا — مرزا غالب
شاعر
وہ مری چین جبیں سے غم پنہاں سمجھا
وہ مری چین جبیں سے غم پنہاں سمجھا
راز مکتوب بہ بے ربطی عنواں سمجھا
یک الف بیش نہیں صیقل آئینہ ہنوز
چاک کرتا ہوں میں جب سے کہ گریباں سمجھا
شرح اسباب گرفتاری خاطر مت پوچھ
اس قدر تنگ ہوا دل کہ میں زنداں سمجھا
بد گمانی نے نہ چاہا اسے سرگرم خرام
رخ پہ ہر قطرہ عرق دیدۂ حیراں سمجھا
عجز سے اپنے یہ جانا کہ وہ بد خو ہوگا
نبض خس سے تپش شعلۂ سوزاں سمجھا
سفر عشق میں کی ضعف نے راحت طلبی
ہر قدم سائے کو میں اپنے شبستاں سمجھا
تھا گریزاں مژۂ یار سے دل تا دم مرگ
دفع پیکان قضا اس قدر آساں سمجھا
دل دیا جان کے کیوں اس کو وفادار اسدؔ
غلطی کی کہ جو کافر کو مسلماں سمجھا
ہم نے وحشت کدۂ بزم جہاں میں جوں شمع
شعلۂ عشق کو اپنا سر و ساماں سمجھا
Woh meri cheen-e-jabeen se gham-e-pinhan samjha
Woh meri cheen-e-jabeen se gham-e-pinhan samjha
Raz-e-maktub ba be-rabti-e-unwan samjha
Yek alif besh nahin saiql-e-aaina hanooz
Chaak karta hoon main jab se ki gareban samjha
Sharh-e-asbab-e-giriftari-e-khatir mat poochh
Is qadar tang hua dil ki main zindan samjha
Badgumani ne na chaha use sargarm-e-kharam
Rukh pe har qatra-e-araq deedah-e-hairan samjha
Ajz se apne yeh jana ki woh bad-khu hoga
Nabz-e-khas se tapish-e-shola-e-sozan samjha
Safar-e-ishq mein ki za'f ne rahat-talabi
Har qadam saye ko main apne shabistan samjha
Tha gurezan mazha-e-yaar se dil ta dam-e-marg
Daf'-e-paikan-e-qaza is qadar aasan samjha
Dil diya jaan ke kyon us ko wafadar Asad
Ghalati ki ki jo kafir ko musalman samjha
Hum ne wahshat-kada-e-bazm-e-jahan mein joon shama
Shola-e-ishq ko apna sar-o-saman samjha
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں