وسعت سعی کرم دیکھ کہ سر تا سر خاک — مرزا غالب
شاعر
وسعت سعی کرم دیکھ کہ سر تا سر خاک
وسعت سعی کرم دیکھ کہ سر تا سر خاک
گزرے ہے آبلہ پا ابر گہربار ہنوز
یک قلم کاغذ آتش زدہ ہے صفحۂ دشت
نقش پا میں ہے تب گرمی رفتار ہنوز
داغ اطفال ہے دیوانہ بہ کہسار ہنوز
خلوت سنگ میں ہے نالہ طلبگار ہنوز
خانہ ہے سیل سے خو کردۂ دیدار ہنوز
دوربیں در زدہ ہے رخنۂ دیوار ہنوز
آئی یک عمر سے معذور تماشہ نرگس
چشم شبنم میں نہ ٹوٹا مژۂ خار ہنوز
کیوں ہوا تھا طرف آبلۂ پا یارب
جادہ ہے وا شدن پیچش طومار ہنوز
ہوں خموشیٔ چمن حسرت دیدار اسدؔ
مژہ ہے شانہ کش طرۂ گفتار ہنوز
Wusat-e-sa'i-e-karam dekh ki sar ta sar khaak
Wusat-e-sa'i-e-karam dekh ki sar ta sar khaak
Guzre hai aabala pa abr-e-gauharbar hanooz
Yek qalam kagaz-e-aatish-zada hai safha-e-dasht
Naqsh-e-pa mein hai tab-e-garmi-e-raftar hanooz
Daagh-e-itfaal hai deewanah ba kohsar hanooz
Khalwat-e-sang mein hai nala-e-talabgar hanooz
Khanah hai sail se khu-karda-e-deedar hanooz
Doorbine dar-zada hai rakhna-e-deewar hanooz
Aayi yek umr se ma'zoor-e-tamasha-e-nargis
Chashm-e-shabnam mein na toota mazha-e-khar hanooz
Kyon hua tha taraf-e-aabala-e-pa ya Rab
Jada hai wa shudan pechish-e-tumar hanooz
Hoon khamoshi-e-chaman hasrat-e-deedar Asad
Mazha hai shana-kash-e-turra-e-guftar hanooz
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں