یک ذرۂ زمیں نہیں بے کار باغ کا — مرزا غالب
شاعر
یک ذرۂ زمیں نہیں بے کار باغ کا
یک ذرۂ زمیں نہیں بے کار باغ کا
یاں جادہ بھی فتیلہ ہے لالے کے داغ کا
بے مے کسے ہے طاقت آشوب آگہی
کھینچا ہے عجز حوصلہ نے خط ایاغ کا
بلبل کے کاروبار پہ ہیں خندہ ہائے گل
کہتے ہیں جس کو عشق خلل ہے دماغ کا
تازہ نہیں ہے نشۂ فکر سخن مجھے
تریاکی قدیم ہوں دود چراغ کا
سو بار بند عشق سے آزاد ہم ہوئے
پر کیا کریں کہ دل ہی عدو ہے فراغ کا
بے خون دل ہے چشم میں موج نگہ غبار
یہ مے کدہ خراب ہے مے کے سراغ کا
باغ شگفتہ تیرا بساط نشاط دل
ابر بہار خم کدہ کس کے دماغ کا؟
جوش بہار کلفت نظارہ ہے اسدؔ
ہے ابر پنبہ روزن دیوار باغ کا
Yek zarra zameen nahin be-kaar bagh ka
Yek zarra zameen nahin be-kaar bagh ka
Yaan jaada bhi fateela hai lale ke daagh ka
Be-may kise hai taqat-e-aashob-e-agahi
Kheencha hai ajz-e-hausla ne khat-e-ayagh ka
Bulbul ke karobar pe hain khanda-haye-gul
Kehte hain jis ko ishq khalal hai dimagh ka
Taza nahin hai nasha-e-fikr-e-sukhan mujhe
Tiryaki-e-qadeem hoon dood-e-chiragh ka
Sau baar band-e-ishq se aazad hum hue
Par kya karein ki dil hi adoo hai faragh ka
Be-khoon-e-dil hai chashm mein mauj-e-nigah-e-ghubar
Yeh mai-kada kharab hai may ke suragh ka
Bagh-e-shagufta tera basat-e-nishat-e-dil
Abr-e-bahar kham-kada kis ke dimagh ka
Josh-e-bahar-e-ulfat-e-nazzara hai Asad
Hai abr-e-panba rozein-e-deewar-e-bagh ka
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں