ذکر اس پری وش کا اور پھر بیاں اپنا — مرزا غالب
شاعر
ذکر اس پری وش کا اور پھر بیاں اپنا
ذکر اس پری وش کا اور پھر بیاں اپنا
بن گیا رقیب آخر تھا جو رازداں اپنا
مے وہ کیوں بہت پیتے بزم غیر میں یا رب
آج ہی ہوا منظور ان کو امتحاں اپنا
منظر اک بلندی پر اور ہم بنا سکتے
عرش سے ادھر ہوتا کاش کے مکاں اپنا
دے وہ جس قدر ذلت ہم ہنسی میں ٹالیں گے
بارے آشنا نکلا ان کا پاسباں اپنا
درد دل لکھوں کب تک جاؤں ان کو دکھلا دوں
انگلیاں فگار اپنی خامہ خونچکاں اپنا
گھستے گھستے مٹ جاتا آپ نے عبث بدلا
ننگ سجدہ سے میرے سنگ آستاں اپنا
تا کرے نہ غمازی کر لیا ہے دشمن کو
دوست کی شکایت میں ہم نے ہم زباں اپنا
ہم کہاں کے دانا تھے کس ہنر میں یکتا تھے
بے سبب ہوا غالبؔ دشمن آسماں اپنا
Zikr us pari-wash ka aur phir bayan apna
Zikr us pari-wash ka aur phir bayan apna
Ban gaya raqeeb akhir tha jo raazdaan apna
May woh kyon bahut peete bazm-e-ghair mein ya Rab
Aaj hi hua manzoor un ko imtihan apna
Manzar ek bulandi par aur hum bana sakte
Arsh se idhar hota kaash ke makan apna
De woh jis qadar zillat hum hansi mein taalein ge
Baare aashna nikla un ka pasban apna
Dard-e-dil likhoon kab tak jaaun un ko dikhla doon
Ungliyan fagaar apni khama-e-khoon-chakaan apna
Ghiste ghiste mit jata aap ne abas badla
Nang-e-sajda se mere sang-e-aastan apna
Ta kare na ghammazi kar liya hai dushman ko
Dost ki shikayat mein hum ne hum-zaban apna
Hum kahan ke daana the kis hunar mein yakta the
Be-sabab hua Ghalib dushman-e-aasman apna
شاعر کے بارے میں
غالب کا اصل نام اسد اللہ بیگ تھا، وہ 27 دسمبر 1797ء کو آگرہ میں پیدا ہوئے۔ غالب اردو کے ایک منفرد شاعر تھے ان کے بارے میں مشہور تھا کہ وہ زندگی کے...
مکمل تعارف پڑھیں