مومن مولائی

یاریاں سوچ کے لایا کرو

آپ کوں کل اک خواب اچ ڈٹھا
اپنڑے اچے تھلے دی اک چُنڈ تے کھڑ کے
شہر دے کتے کٹھے کر کے
ہڈیاں میں ورتیناں کھڑاں
کتیاں ہڈیاں پینداں کھڑاں
ہر کتا اک ہڈی کھا ندا ے
پوچھل مار کے میرے پیراں دے وچ ڈھانداے
کُوکاں مار کے میرے نا دے گاونڑ گاندا اے
جے ویلے چھبا خالی تھینداے
کتے میں کوں بھونکنڑ لگدین
مینڈے کپڑے پاڑ کے میں تو بوٹیاں منگدین
آج تعبیر دساون والے بڈھڑے بابے
مینڈی کنڈ تے تھپکی دے کے کِھل کے آکھا اے
بچڑا
کتے کتے ہوندین
نسلاں جانڑنڑ کولوں پہلاں
ہڈیاں نہ ورتایا کرو
*یاریاں سوچ کے لایا کرو*

مومن مولائی