بے چین جو رکھتی ہے تمہیں چاہ کسو کی — محمد رفیع سودا
شاعر
بے چین جو رکھتی ہے تمہیں چاہ کسو کی
بے چین جو رکھتی ہے تمہیں چاہ کسو کی
شاید کہ ہوئی کارگر اب آہ کسو کی
اس چشم کا غمزہ جو کرے قتل دو عالم
گوشے کو نگہ کے نہیں پرواہ کسو کی
زلفوں کی سیاہی میں کچھ اک دام تھے اپنے
قسمت کہ ہوئی رات وہ تنخواہ کسو کی
کیا مصرف بے جا سے فلک کو ہے سروکار
وہ شے کسو کو دے جو ہو دل خواہ کسو کی
دنیا سے گزرنا ہی عجب کچھ ہے کہ جس میں
کوئی نہ کبھو روک سکے راہ کسو کی
چھینے سے غم عشق شکیبائی و آرام
اے دل یہ پڑی لٹتی ہے بنگاہ کسو کی
Bechain jo rakhti hai tumhein chah kasu ki
Bechain jo rakhti hai tumhein chah kasu ki
Shaayad ke hui kargar ab aah kasu ki
Is chashm ka ghamza jo kare qatl do alam
Goshe ko nigah ke nahin parwah kasu ki
Zulfon ki siyahi mein kuch ik daam the apne
Qismat ke hui raat woh tankhwah kasu ki
Kya masraf be-ja se falak ko hai sarokar
Woh shai kasu ko de jo ho dil-khwah kasu ki
Dunya se guzarna hi ajab kuch hai ke jis mein
Koi na kabhu rok sake rah kasu ki
Cheene se gham-e-ishq shakebai o aram
Ae dil ye pari lutti hai bangah kasu ki
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں