دامن صبا نہ چھو سکے جس شہ سوار کا — محمد رفیع سودا
شاعر
دامن صبا نہ چھو سکے جس شہ سوار کا
دامن صبا نہ چھو سکے جس شہ سوار کا
پہنچے کب اس کو ہاتھ ہمارے غبار کا
موج نسیم آج ہے آلودہ گرد سے
دل خاک ہو گیا ہے کسی بے قرار کا
خون جگر شراب و ترشح ہے چشم تر
ساغر مرا گرو نہیں ابر بہار کا
چشم کرم سے عاشق وحشی اسیر ہو
الفت ہے دام آہوئے دل کے شکار کا
سونپا تھا کیا جنوں نے گریبان کو مرے
لیتا ہے اب حساب جو یہ تار تار کا
سوداؔ شراب عشق نہ کہتے تھے ہم، نہ پی
پایا مزا نہ تو نے اب اس کے خمار کا
Daaman saba na chhoo sake jis shah-sawar ka
Daaman-e-saba na chhoo sake jis shah-sawar ka
Pahunche kab us ko haath hamare ghubaar ka
Mauj-e-naseem aaj hai aalooda gard se
Dil khaak ho gaya hai kisi beqaraar ka
Khoon-e-jigar sharaab-o-tarashshuh hai chashm-e-tar
Saaghar mera garo nahin abr-e-bahaar ka
Chashm-e-karam se aashiq-e-wahshi aseer ho
Ulfat hai daam-e-aahoo-e-dil ke shikaar ka
Sonpa tha kya junoon ne girebaan ko mere
Leta hai ab hisaab jo ye taar taar ka
Sauda sharaab-e-ishq na kehte the hum, na pee
Paaya maza na tu ne ab is ke khumaar ka
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں