جب نظر اس کی آن پڑتی ہے — محمد رفیع سودا
شاعر
جب نظر اس کی آن پڑتی ہے
جب نظر اس کی آن پڑتی ہے
زندگی تب دھیان پڑتی ہے
جھیل لیتے ہیں عاشق اے فرہاد
جس کے سر جیسی آن پڑتی ہے
ہے جفا سے غرض اسے اتنی
کہ وفا امتحان پڑتی ہے
نظر ان مہ وشاں کی ہے ظالم
کیا غضب آن بان پڑتی ہے
قد زاہد نظر میں چلے بعد
اتری سی کچھ کمان پڑتی ہے
بات اس دل کے درد کی یارو
گفتگو میں ندان پڑتی ہے
ایک کے منہ سے جس گھڑی نکلی
پھر تو سو کی زبان پڑتی ہے
لیکن اتنا کوئی کہے مجھ سے
کبھو اس کے بھی کان پڑتی ہے
بے ثباتی زمانے کی ناچار
کرنی مجھ کو بیان پڑتی ہے
گرم جوشیٔ دوستاں بہ نظر
آتش کاروان پڑتی ہے
دل سے پوچھا یہ میں کہ عشق کی راہ
کس طرف مہربان پڑتی ہے
کہا ان نے کہ نے بہ ہندستاں
نے سوئے اصفہان پڑتی ہے
یہ دوراہا جو کفر و دیں کا ہے
دونوں کے درمیان پڑتی ہے
منزلت شعر کی ترے سوداؔ
یوں بہ وہم و گمان پڑتی ہے
نہیں عیسیٰؔ تو پر سخن سے ترے
تن بے جاں میں جان پڑتی ہے
Jab nazar us ki aan padti hai
Jab nazar us ki aan padti hai
Zindagi tab dhiyan padti hai
Jheel lete hain ashiq ay Farhad
Jis ke sar jaisi aan padti hai
Hai jafa se gharaz use itni
Ki wafa imtihan padti hai
Nazar un mahwashan ki hai zalim
Kya ghazab aan-baan padti hai
Qad-e-zahid nazar mein chale baad
Utri si kuch kamaan padti hai
Baat us dil ke dard ki yaaro
Guftugu mein nadan padti hai
Ek ke munh se jis ghadi nikli
Phir to sau ki zuban padti hai
Lekin itna koi kahe mujh se
Kabhu us ke bhi kaan padti hai
Be-sabati zamane ki naachar
Karni mujh ko bayan padti hai
Garmjoshi-e-dostan ba-nazar
Atish-e-karwan padti hai
Dil se poocha yeh main ki ishq ki rah
Kis taraf mehrban padti hai
Kaha un ne ki ne ba-Hindustan
Ne su-e-Isfahan padti hai
Yeh doraha jo kufr-o-deen ka hai
Donon ke darmiyan padti hai
Manzilat sher ki tere Sauda
Yoon ba-wahm-o-guman padti hai
Nahin Esa to par sukhan se tere
Tan be-jaan mein jaan padti hai
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں