ناصح کو جیب سینے سے فرصت کبھو نہ ہو — محمد رفیع سودا
شاعر
ناصح کو جیب سینے سے فرصت کبھو نہ ہو
ناصح کو جیب سینے سے فرصت کبھو نہ ہو
دل یار سے پھٹے تو کسی سے رفو نہ ہو
اس دل کو دے کے لوں دو جہاں یہ کبھو نہ ہو
سودا تو ہووے تب یہ کہ جب اس میں تو نہ ہو
آئینۂ وجود عدم میں اگر ترا
وہ درمیاں نہ ہو تو کہیں ہم کو رو نہ ہو
جھگڑا تو حسن و عشق کا چکتا ہے پل کے بیچ
گر محکمے میں قاضی کے تو روبرو نہ ہو
قطرہ کی کھل گئی ہے گرہ ورنہ اے نسیم
شور دماغ مرغ چمن گل کی بو نہ ہو
گزرے سو گزرے اہل زمیں اوپر اے فلک
آئندہ یاں تلک تو کوئی خوب رو نہ ہو
دل لے کے تجھ سے برق کے شعلے کو دیجیے
پر ہے یہ ڈر کہ اس کی بھی ایسی ہی خو نہ ہو
گل کی نہ تخم مرغ چمن کر سکے تلاش
ہم خام فطرتوں سے تری جستجو نہ ہو
سوداؔ بدل کے قافیہ تو اس غزل کو کہہ
اے بے ادب تو درد سے بس دوبدو نہ ہو
Naseh ko jaib seene se fursat kabhu na ho
Naseh ko jaib seene se fursat kabhu na ho
Dil yaar se phate to kisi se rafu na ho
Is dil ko de ke loon do jahan ye kabhu na ho
Sauda to howe tab ye ke jab is mein tu na ho
Aaina-e-wujood adam mein agar tera
Woh darmiyan na ho to kahin hum ko ro na ho
Jhagra to husn-o-ishq ka chakta hai pal ke beech
Gar mahkoome mein qazi ke tu rubaru na ho
Qatra ki khul gai hai girah warna ae naseem
Shor dimagh-e-murgh-e-chaman gul ki bo na ho
Guzre so guzre ahl-e-zameen upar ae falak
Aainda yan talak to koi khoob-ru na ho
Dil le ke tujh se barq ke shoale ko deejiye
Par hai ye dar ke us ki bhi aisi hi kho na ho
Gul ki na takhm-e-murgh-e-chaman kar sake talash
Hum kham fitraton se teri justuju na ho
Sauda badal ke qafiya tu is ghazal ko keh
Ae be-adab tu dard se bas do-ba-do na ho
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں