یوں دیکھ مرے دیدۂ پر آب کی گردش — محمد رفیع سودا
شاعر
یوں دیکھ مرے دیدۂ پر آب کی گردش
یوں دیکھ مرے دیدۂ پر آب کی گردش
دریا میں ہو جس طرح سے گرداب کی گردش
مرتا ہوں ترے واسطے روتا ہوں زبس یار
ہے سیل مری چشم میں گرداب کی گردش
پھر جاتی ہیں اس طرح سے اک پل میں وہ انکھیاں
جوں بزم میں ہو جام مئے ناب کی گردش
ازبسکہ ہے آنکھوں میں خمار اس گھڑی ساقی
مے مانگے ہے تجھ سے جو ہر احباب کی گردش
گو خاک ہوا تو بھی پھرا بن کے بگولا
ہو کر نہ گئی عاشق بیتاب کی گردش
جنس خرد و صبر بن اس دل کو ہو کیا چین
مفلس کو بری ہوتی ہے اسباب کی گردش
دل زلف و رخ یار میں سوداؔ نہ پھرے کیوں
خوش آئے ہے اس کو شب مہتاب کی گردش
Yun dekh mere deeda par aab ki gardish
Yun dekh mere deeda par aab ki gardish
Darya mein ho jis tarah se girdaab ki gardish
Marta hoon tere waste rota hoon zabas yaar
Hai sail meri chashm mein girdaab ki gardish
Phir jaati hain is tarah se ek pal mein woh ankhiyaan
Joon bazm mein ho jaam-e-mai-e-naab ki gardish
Azbas-ke hai aankhon mein khumar is ghadi Saqi
May mange hai tujh se jo har ahbab ki gardish
Go khak hua tu bhi phira ban ke bagula
Ho kar na gai ashiq-e-betaab ki gardish
Jins-e-khirad o sabr bin is dil ko ho kya chain
Muflis ko buri hoti hai asbab ki gardish
Dil zulf o rukh-e-yar mein Sauda na phire kyun
Khush aaye hai us ko shab-e-mahtab ki gardish
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں