آدمی کی تلاش — ندا فاضلی
شاعر
آدمی کی تلاش
ابھی مرا نہیں زندہ ہے آدمی شاید
یہیں کہیں اسے ڈھونڈو یہیں کہیں ہوگا
بدن کی اندھی گپھا میں چھپا ہوا ہوگا
بڑھا کے ہاتھ
ہر اک روشنی کو گل کر دو
ہوائیں تیز ہیں جھنڈے لپیٹ کر رکھ دو
جو ہو سکے تو ان آنکھوں پہ پٹیاں کس دو
نہ کوئی پاؤں کی آہٹ
نہ سانسوں کی آواز
ڈرا ہوا ہے وہ
کچھ اور بھی نہ ڈر جائے
بدن کی اندھی گپھا سے نہ کوچ کر جائے
یہیں کہیں اسے ڈھونڈو
وہ آج صدیوں بعد
اداس اداس ہے
خاموش ہے
اکیلا ہے
نہ جانے کب کوئی پسلی پھڑک اٹھے اس کی
یہیں کہیں اسے ڈھونڈو یہیں کہیں ہوگا
برہنہ ہو تو اسے پھر لباس پہنا دو
اندھیری آنکھوں میں سورج کی آگ دہکا دو
بہت بڑی ہے یہ بستی کہیں بھی دفنا دو
ابھی مرا نہیں
زندہ ہے آدمی شاید
Aadmi Ki Talaash
Abhi mara nahin zinda hai aadmi shayad
Yahīn kahīn use dhūndo yahīn kahīn hoga
Badan ki andhi gupha mein chhupa hua hoga
Badha ke haath
Har ek roshni ko gul kar do
Hawayein tez hain jhande lapet kar rakh do
Jo ho sake to un aankhon pe pattiyan kas do
Na koi paaon ki aahat
Na saanson ki awaaz
Dara hua hai woh
Kuchh aur bhi na dar jaaye
Badan ki andhi gupha se na kooch kar jaaye
Yahīn kahīn use dhūndo
Woh aaj sadiyon baad
Udaas udaas hai
Khaamosh hai
Akela hai
Na jaane kab koi pasli phadak uthe us ki
Yahīn kahīn use dhūndo yahīn kahīn hoga
Barahna ho to use phir libaas pehna do
Andheri aankhon mein sooraj ki aag deheka do
Bahut badi hai yeh basti kahīn bhi dafna do
Abhi mara nahin
Zinda hai aadmi shayad
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں