آنی جانی ہر محبت ہے چلو یوں ہی سہی — ندا فاضلی
شاعر
آنی جانی ہر محبت ہے چلو یوں ہی سہی
آنی جانی ہر محبت ہے چلو یوں ہی سہی
جب تلک ہے خوبصورت ہے چلو یوں ہی سہی
ہم کہاں کے دیوتا ہیں بے وفا وہ ہیں تو کیا
گھر میں کوئی گھر کی زینت ہے چلو یوں ہی سہی
وہ نہیں تو کوئی تو ہوگا کہیں اس کی طرح
جسم میں جب تک حرارت ہے چلو یوں ہی سہی
میلے ہو جاتے ہیں رشتے بھی لباسوں کی طرح
دوستی ہر دن کی محنت ہے چلو یوں ہی سہی
بھول تھی اپنی فرشتہ آدمی میں ڈھونڈنا
آدمی میں آدمیت ہے چلو یوں ہی سہی
جیسی ہونی چاہئے تھی ویسی تو دنیا نہیں
دنیا داری بھی ضرورت ہے چلو یوں ہی سہی
Aani jaani har mohabbat hai chalo yoon hi sahi
Aani jaani har mohabbat hai chalo yoon hi sahi
Jab talak hai khoobsurat hai chalo yoon hi sahi
Hum kahan ke devta hain bewafa woh hi hain to kya
Ghar mein koi ghar ki zeenat hai chalo yoon hi sahi
Woh nahin to koi to hoga kahin us ki tarah
Jism mein jab talak hararat hai chalo yoon hi sahi
Maile ho jaate hain rishte bhi libason ki tarah
Dosti har din ki mehnat hai chalo yoon hi sahi
Bhool thi apni farishta aadmi mein dhoondna
Aadmi mein aadmiyat hai chalo yoon hi sahi
Jaisi honi chahiye thi waisi to duniya nahin
Duniya daari bhi zaroorat hai chalo yoon hi sahi
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں