بلا وہ ٹل گئی صدقے میں جس کے شہر چڑھے — ندا فاضلی
شاعر
بلا وہ ٹل گئی صدقے میں جس کے شہر چڑھے
بلا وہ ٹل گئی صدقے میں جس کے شہر چڑھے
ہمیں ڈبو کے نہ اب کوئی خونی نہر چڑھے
بڑھا جو میں تھکے قدموں نے بد دعا یہ دی
قدم قدم تجھے پگڈنڈیوں کا زہر چڑھے
وہی ملن کا سماں اس سے مانجھیو ہوگا
ندی میں چاند کی جب ناؤ لہر لہر چڑھے
خدا کرے ترا تن من رہے یوںہی اجلا
نہ تیرے گاؤں پہ گرد ہوائے شہر چڑھے
ڈھکوں بدن تو گئے موسموں کی بو مہکے
بدن کو کھولوں تو بھیگی رتوں کا زہر چڑھے
بنا وہ چاند مصور تو اس پہ قید لگی
نہ اب مکانوں کی چھت پر وہ جان دہر چڑھے
Bala woh tal gayi sadqe mein jis ke shahr chadhe
Bala woh tal gayi sadqe mein jis ke shahr chadhe
Hamein dubo ke na ab koi khooni nehr chadhe
Badha jo main thake qadmon ne bad-dua yeh di
Qadam qadam tujhe pagdandiyon ka zehr chadhe
Wahi milan ka samaan us se maanjhiyo hoga
Nadi mein chand ki jab nao lehar lehar chadhe
Khuda kare tera tan man rahe yoon hi ujla
Na tere gaaon pe gard hawaye shahr chadhe
Dhakun badan to gaye mausamon ki boo mehke
Badan ko kholun to bheegi ruton ka zehr chadhe
Bana woh chand musawwir to us pe qaid lagi
Na ab makanon ki chhat par woh jaan-e-dahar chadhe
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں