بے نام سا یہ درد ٹھہر کیوں نہیں جاتا — ندا فاضلی
شاعر
بے نام سا یہ درد ٹھہر کیوں نہیں جاتا
بے نام سا یہ درد ٹھہر کیوں نہیں جاتا
جو بیت گیا ہے وہ گزر کیوں نہیں جاتا
سب کچھ تو ہے کیا ڈھونڈھتی رہتی ہیں نگاہیں
کیا بات ہے میں وقت پے گھر کیوں نہیں جاتا
وہ ایک ہی چہرہ تو نہیں سارے جہاں میں
جو دور ہے وہ دل سے اتر کیوں نہیں جاتا
میں اپنی ہی الجھی ہوئی راہوں کا تماشہ
جاتے ہیں جدھر سب میں ادھر کیوں نہیں جاتا
وہ خواب جو برسوں سے نہ چہرہ نہ بدن ہے
وہ خواب ہواؤں میں بکھر کیوں نہیں جاتا
Be-naam sa ye dard thahar kyon nahin jaata
Be-naam sa ye dard thahar kyon nahin jaata
Jo beet gaya hai wo guzar kyon nahin jaata
Sab kuchh to hai kya dhundhti rehti hain nigahen
Kya baat hai main waqt pe ghar kyon nahin jaata
Wo ek hi chehra to nahin saare jahan mein
Jo door hai wo dil se utar kyon nahin jaata
Main apni hi uljhi hui raahon ka tamasha
Jaate hain jidhar sab main udhar kyon nahin jaata
Wo khwab jo barson se na chehra na badan hai
Wo khwab hawaon mein bikhar kyon nahin jaata
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں