دیکھا ہوا سا کچھ ہے تو سوچا ہوا سا کچھ — ندا فاضلی
شاعر
دیکھا ہوا سا کچھ ہے تو سوچا ہوا سا کچھ
دیکھا ہوا سا کچھ ہے تو سوچا ہوا سا کچھ
ہر وقت میرے ساتھ ہے الجھا ہوا سا کچھ
ہوتا ہے یوں بھی راستہ کھلتا نہیں کہیں
جنگل سا پھیل جاتا ہے کھویا ہوا سا کچھ
ساحل کی گیلی ریت پہ بچوں کے کھیل سا
ہر لمحہ مجھ میں بنتا بکھرتا ہوا سا کچھ
فرصت نے آج گھر کو سجایا کچھ اس طرح
ہر شے سے مسکراتا ہے روتا ہوا سا کچھ
دھندلی سی ایک یاد کسی قبر کا دیا
اور میرے آس پاس چمکتا ہوا سا کچھ
Dekha hua sa kuch hai to socha hua sa kuch
Dekha hua sa kuch hai to socha hua sa kuch
Har waqt mere saath hai uljha hua sa kuch
Hota hai yoon bhi rasta khulta nahin kaheen
Jangal sa phail jata hai khoya hua sa kuch
Sahil ki geeli ret pe bachchon ke khel sa
Har lamha mujh mein banta bikharta hua sa kuch
Fursat ne aaj ghar ko sajaya kuch is tarah
Har shai se muskurata hai rota hua sa kuch
Dhundli si ek yaad kisi qabr ka diya
Aur mere aas paas chamakta hua sa kuch
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں