دن سلیقے سے اگا رات ٹھکانے سے رہی — ندا فاضلی
شاعر
دن سلیقے سے اگا رات ٹھکانے سے رہی
دن سلیقے سے اگا رات ٹھکانے سے رہی
دوستی اپنی بھی کچھ روز زمانے سے رہی
چند لمحوں کو ہی بنتی ہیں مصور آنکھیں
زندگی روز تو تصویر بنانے سے رہی
اس اندھیرے میں تو ٹھوکر ہی اجالا دے گی
رات جنگل میں کوئی شمع جلانے سے رہی
فاصلہ چاند بنا دیتا ہے ہر پتھر کو
دور کی روشنی نزدیک تو آنے سے رہی
شہر میں سب کو کہاں ملتی ہے رونے کی جگہ
اپنی عزت بھی یہاں ہنسنے ہنسانے سے رہی
Din saliqe se uga raat thikane se rahi
Din saliqe se uga raat thikane se rahi
Dosti apni bhi kuch roz zamane se rahi
Chand lamhon ko hi banti hain musawwir aankhen
Zindagi roz to tasveer banane se rahi
Is anahere mein to thokar hi ujala de gi
Raat jangal mein koi shama jalane se rahi
Fasla chand bana deta hai har patthar ko
Dur ki roshni nazdeek to aane se rahi
Shahr mein sab ko kahan milti hai rone ki jagah
Apni izzat bhi yahan hansne hansane se rahi
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں