دنیا جسے کہتے ہیں جادو کا کھلونا ہے — ندا فاضلی
شاعر
دنیا جسے کہتے ہیں جادو کا کھلونا ہے
دنیا جسے کہتے ہیں جادو کا کھلونا ہے
مل جائے تو مٹی ہے کھو جائے تو سونا ہے
اچھا سا کوئی موسم تنہا سا کوئی عالم
ہر وقت کا رونا تو بے کار کا رونا ہے
برسات کا بادل تو دیوانہ ہے کیا جانے
کس راہ سے بچنا ہے کس چھت کو بھگونا ہے
یہ وقت جو تیرا ہے یہ وقت جو میرا ہے
ہر گام پہ پہرا ہے پھر بھی اسے کھونا ہے
غم ہو کہ خوشی دونوں کچھ دور کے ساتھی ہیں
پھر رستہ ہی رستہ ہے ہنسنا ہے نہ رونا ہے
آوارہ مزاجی نے پھیلا دیا آنگن کو
آکاش کی چادر ہے دھرتی کا بچھونا ہے
Duniya jise kehte hain jaadu ka khilauna hai
Duniya jise kehte hain jaadu ka khilauna hai
Mil jaaye to mitti hai kho jaaye to sona hai
Achha sa koi mausam tanha sa koi aalam
Har waqt ka rona to bekar ka rona hai
Barsaat ka badal to deewana hai kya jaane
Kis raah se bachna hai kis chhat ko bhigona hai
Ye waqt jo tera hai ye waqt jo mera hai
Har gaam pe pehra hai phir bhi use khona hai
Gham ho ke khushi donon kuchh door ke saathi hain
Phir rasta hi rasta hai hansna hai na rona hai
Aawara mizaaji ne phailaa diya aangan ko
Aakash ki chadar hai dharti ka bichhauna hai
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں