ہر ایک گھر میں دیا بھی جلے اناج بھی ہو — ندا فاضلی
شاعر
ہر ایک گھر میں دیا بھی جلے اناج بھی ہو
ہر ایک گھر میں دیا بھی جلے اناج بھی ہو
اگر نہ ہو کہیں ایسا تو احتجاج بھی ہو
رہے گی وعدوں میں کب تک اسیر خوشحالی
ہر ایک بار ہی کل کیوں کبھی تو آج بھی ہو
نہ کرتے شور شرابہ تو اور کیا کرتے
تمہارے شہر میں کچھ اور کام کاج بھی ہو
حکومتوں کو بدلنا تو کچھ محال نہیں
حکومتیں جو بدلتا ہے وہ سماج بھی ہو
بدل رہے ہیں کئی آدمی درندوں میں
مرض پرانا ہے اس کا نیا علاج بھی ہو
اکیلے غم سے نئی شاعری نہیں ہوتی
زبان میرؔ میں غالبؔ کا امتزاج بھی ہو
Har ek ghar mein diya bhi jale anaaj bhi ho
Har ek ghar mein diya bhi jale anaaj bhi ho
Agar na ho kahin aisa to ehtijaj bhi ho
Rahegi waadon mein kab tak aseer khush-hali
Har ek baar hi kal kyon kabhi to aaj bhi ho
Na karte shor sharaba to aur kya karte
Tumhare shahar mein kuchh aur kaam kaaj bhi ho
Hukumatton ko badalna to kuchh mahal nahin
Hukumaten jo badalta hai wo samaj bhi ho
Badal rahe hain kai aadmi darindon mein
Maraz purana hai uss ka naya ilaaj bhi ho
Akele gham se nayi shayari nahin hoti
Zuban Meer mein Ghalib ka imtizaj bhi ho
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں