انسان میں حیوان یہاں بھی ہے وہاں بھی — ندا فاضلی
شاعر
انسان میں حیوان یہاں بھی ہے وہاں بھی
انسان میں حیوان یہاں بھی ہے وہاں بھی
اللہ نگہبان یہاں بھی ہے وہاں بھی
خوں خوار درندوں کے فقط نام الگ ہیں
ہر شہر بیابان یہاں بھی ہے وہاں بھی
ہندو بھی سکوں سے ہے مسلماں بھی سکوں سے
انسان پریشان یہاں بھی ہے وہاں بھی
رحمان کی رحمت ہو کہ بھگوان کی مورت
ہر کھیل کا میدان یہاں بھی ہے وہاں بھی
اٹھتا ہے دل و جاں سے دھواں دونوں طرف ہی
یہ میرؔ کا دیوان یہاں بھی ہے وہاں بھی
Insaan mein haiwaan yahan bhi hai wahan bhi
Insaan mein haiwaan yahan bhi hai wahan bhi
Allah nigehbaan yahan bhi hai wahan bhi
Khoon khwar darindon ke faqat naam alag hain
Har shehar bayabaan yahan bhi hai wahan bhi
Hindu bhi sukoon se hai Musalman bhi sukoon se
Insaan pareshan yahan bhi hai wahan bhi
Rahman ki rehmat ho ke Bhagwaan ki moorat
Har khel ka maidan yahan bhi hai wahan bhi
Uthta hai dil-o-jaan se dhuan donon taraf hi
Yeh Mir' ka deewan yahan bhi hai wahan bhi
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں