کبھی کبھی یوں بھی ہم نے اپنے جی کو بہلایا ہے

کبھی کبھی یوں بھی ہم نے اپنے جی کو بہلایا ہے
جن باتوں کو خود نہیں سمجھے اوروں کو سمجھایا ہے
ہم سے پوچھو عزت والوں کی عزت کا حال کبھی
ہم نے بھی اک شہر میں رہ کر تھوڑا نام کمایا ہے
اس کو بھولے برسوں گزرے لیکن آج نہ جانے کیوں
آنگن میں ہنستے بچوں کو بے کارن دھمکایا ہے
اس بستی سے چھٹ کر یوں تو ہر چہرہ کو یاد کیا
جس سے تھوڑی سی ان بن تھی وہ اکثر یاد آیا ہے
کوئی ملا تو ہاتھ ملایا کہیں گئے تو باتیں کیں
گھر سے باہر جب بھی نکلے دن بھر بوجھ اٹھایا ہے

Kabhi kabhi yun bhi hum ne apne jee ko bahlaya hai

Kabhi kabhi yun bhi hum ne apne jee ko bahlaya hai
Jin baton ko khud nahin samjhe auron ko samjhaya hai
Hum se poochho izzat walon ki izzat ka haal kabhi
Hum ne bhi ek shahar mein reh kar thoda naam kamaya hai
Us ko bhoole barson guzre lekin aaj na jaane kyun
Aangan mein hanste bachchon ko be-kaaran dhamkaya hai
Is basti se chhut kar yun to har chehra ko yaad kiya
Jis se thodi si anban thi woh aksar yaad aaya hai
Koi mila to haath milaya kahin gaye to baaten kin
Ghar se bahar jab bhi nikle din bhar bojh uthaya hai

شاعر کے بارے میں

ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...

مکمل تعارف پڑھیں

کبھی کبھی یوں بھی ہم نے اپنے جی کو بہلایا ہے — ندا فاضلی

شاعر