کوئی کسی سے خوش ہو اور وہ بھی بارہا ہو یہ بات تو غلط ہے

کوئی کسی سے خوش ہو اور وہ بھی بارہا ہو یہ بات تو غلط ہے
رشتہ لباس بن کر میلا نہیں ہوا ہو یہ بات تو غلط ہے
وہ چاند رہ گزر کا ساتھی جو تھا سفر تھا معجزہ نظر کا
ہر بار کی نظر سے روشن وہ معجزہ ہو یہ بات تو غلط ہے
ہے بات اس کی اچھی لگتی ہے دل کو سچی پھر بھی ہے تھوڑی کچی
جو اس کا حادثہ ہے میرا بھی تجربہ ہو یہ بات تو غلط ہے
دریا ہے بہتا پانی ہر موج ہے روانی رکتی نہیں کہانی
جتنا لکھا گیا ہے اتنا ہی واقعہ ہو یہ بات تو غلط ہے
یہ یگ ہے کاروباری ہر شے ہے اشتہاری راجہ ہو یا بھکاری
شہرت ہے جس کی جتنی اتنا ہی مرتبہ ہو یہ بات تو غلط ہے

Koi kisi se khush ho aur woh bhi baarha ho yeh baat to ghalat hai

Koi kisi se khush ho aur woh bhi baarha ho yeh baat to ghalat hai
Rishta libaas ban kar maila nahin hua ho yeh baat to ghalat hai
Woh chand rah guzar ka saathi jo tha safar tha mojiza nazar ka
Har baar ki nazar se roshan woh mojiza ho yeh baat to ghalat hai
Hai baat us ki achhi lagti hai dil ko sachchi phir bhi hai thodi kachchi
Jo us ka hadsa hai mera bhi tajurba ho yeh baat to ghalat hai
Darya hai behta paani har mauj hai rawani rakhti nahin kahani
Jitna likha gaya hai utna hi waqea ho yeh baat to ghalat hai
Yeh yug hai karobari har shai hai ishtehaari raja ho ya bhikari
Shohrat hai jis ki jitni utna hi martaba ho yeh baat to ghalat hai

شاعر کے بارے میں

ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...

مکمل تعارف پڑھیں

کوئی کسی سے خوش ہو اور وہ بھی بارہا ہو یہ بات تو غلط ہے — ندا فاضلی

شاعر