زمین دی ہے تو تھوڑا سا آسمان بھی دے — ندا فاضلی
شاعر
زمین دی ہے تو تھوڑا سا آسمان بھی دے
زمین دی ہے تو تھوڑا سا آسمان بھی دے
مرے خدا مرے ہونے کا کچھ گمان بھی دے
بنا کے بت مجھے بینائی کا عذاب نہ دے
یہ ہی عذاب ہے قسمت تو پھر زبان بھی دے
یہ کائنات کا پھیلاؤ تو بہت کم ہے
جہاں سما سکے تنہائی وہ مکان بھی دے
میں اپنے آپ سے کب تک کیا کروں باتیں
مری زباں کو کبھی کوئی ترجمان بھی دے
فلک کو چاند ستارے نوازنے والے
مجھے چراغ جلانے کو سائبان بھی دے
Zameen di hai to thoda sa aasman bhi de
Zameen di hai to thoda sa aasman bhi de
Mere Khuda mere hone ka kuch gumaan bhi de
Bana ke but mujhe beenaai ka azaab na de
Yeh hi azaab hai qismat to phir zubaan bhi de
Yeh kaainaat ka phailaao to bohat kam hai
Jahan sama sake tanhaai woh makaan bhi de
Main apne aap se kab tak kya karoon baaten
Meri zubaan ko kabhi koi tarjuman bhi de
Falak ko chand sitare nawazne wale
Mujhe charagh jalane ko saayebaan bhi de
شاعر کے بارے میں
ندا فاضلی جن کا اصل نام مقتدی حسن فاضلی تھا جدید اردو شاعری کے ان نمایاں اور منفرد لہجے کے شاعر تھے جنہوں نے روزمرہ زندگی، انسان کے دکھ اور سماجی ا...
مکمل تعارف پڑھیں