ڈسنے لگے ہیں خواب مگر کس سے بولئے — پروین شاکر
شاعر
ڈسنے لگے ہیں خواب مگر کس سے بولئے
ڈسنے لگے ہیں خواب مگر کس سے بولئے
میں جانتی تھی پال رہی ہوں سنپولیے
بس یہ ہوا کہ اس نے تکلف سے بات کی
اور ہم نے روتے روتے دوپٹے بھگو لیے
پلکوں پہ کچی نیندوں کا رس پھیلتا ہو جب
ایسے میں آنکھ دھوپ کے رخ کیسے کھولیے
تیری برہنہ پائی کے دکھ بانٹتے ہوئے
ہم نے خود اپنے پاؤں میں کانٹے چبھو لیے
میں تیرا نام لے کے تذبذب میں پڑ گئی
سب لوگ اپنے اپنے عزیزوں کو رو لیے
خوش بو کہیں نہ جائے پہ اصرار ہے بہت
اور یہ بھی آرزو کہ ذرا زلف کھولیے
تصویر جب نئی ہے نیا کینوس بھی ہے
پھر طشتری میں رنگ پرانے نہ گھولیے
Ḍasne lage haiñ khvāb magar kis se boliye
Ḍasne lage haiñ khvāb magar kis se boliye
Maiñ jāntī thī pāl rahī hūñ sanpoliye
Bas yeh huā ke us ne takalluf se bāt kī
Aur ham ne rote rote dupaṭṭe bhigo liye
Palkoñ pe kachī nīndoñ kā ras phailtā ho jab
Aise maiñ āñkh dhūp ke ruḳh kaise kholiye
Terī barahna-pāī ke dukh bāñṭte hue
Ham ne ḳhud apne pāoñ maiñ kāñṭe chhubo liye
Maiñ terā nām le ke tazabzub maiñ paṛ gaī
Sab log apne apne azeezon ko ro liye
Khushboo kahīñ na jāe pe isrār hai bahut
Aur yeh bhī ārzū ke zarā zulf kholiye
Tasveer jab naī hai nayā canvass bhī hai
Phir tashtarī maiñ rañg purāne na gholiye
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں