اب اتنی سادگی لائیں کہاں سے — پروین شاکر
شاعر
اب اتنی سادگی لائیں کہاں سے
اب اتنی سادگی لائیں کہاں سے
زمیں کی خیر مانگیں آسماں سے
اگر چاہیں تو وہ دیوار کر دیں
ہمیں اب کچھ نہیں کہنا زباں سے
ستارہ ہی نہیں جب ساتھ دیتا
تو کشتی کام لے کیا بادباں سے
بھٹکنے سے ملے فرصت تو پوچھیں
پتا منزل کا میر کارواں سے
توجہ برق کی حاصل رہی ہے
سو ہے آزاد فکر آشیاں سے
ہوا کو رازداں ہم نے بنایا
اور اب ناراض خوشبو کے بیاں سے
ضروری ہو گئی ہے دل کی زینت
مکیں پہچانے جاتے ہیں مکاں سے
فنا فی العشق ہونا چاہتے تھے
مگر فرصت نہ تھی کار جہاں سے
وگرنہ فصل گل کی قدر کیا تھی
بڑی حکمت ہے وابستہ خزاں سے
کسی نے بات کی تھی ہنس کے شاید
زمانے بھر سے ہیں ہم خود گماں سے
میں اک اک تیر پہ خود ڈھال بنتی
اگر ہوتا وہ دشمن کی کماں سے
جو سبزہ دیکھ کر خیمے لگائیں
انہیں تکلیف کیوں پہنچے خزاں سے
جو اپنے پیڑ جلتے چھوڑ جائیں
انہیں کیا حق کہ روٹھیں باغباں سے
Ab itni saadgi laayen kahan se
Ab itni saadgi laayen kahan se
Zameen ki khair maangen aasmaan se
Agar chaahein to woh deewaar kar dein
Hamein ab kuchh nahin kehna zabaan se
Sitaara hi nahin jab saath deta
To kashti kaam le kya baadbaan se
Bhatakne se mile fursat to poochhen
Pata manzil ka meer-e-kaarwan se
Tawajjo barq ki haasil rahi hai
So hai azaad fikr-e-aashiyaan se
Hawa ko raazdaan hum ne banaya
Aur ab naaraaz khushboo ke bayaan se
Zaroori ho gai hai dil ki zeenat
Makeen pehchane jaate hain makaan se
Fana fi-l-ishq hona chahte the
Magar fursat na thi kaar-e-jahan se
Wagarna fasl-e-gul ki qadr kya thi
Badi hikmat hai waabasta khizaan se
Kisi ne baat ki thi hans ke shaayad
Zamaane bhar se hain hum khud gumaan se
Main ek ek teer pe khud dhaal banti
Agar hota woh dushman ki kamaan se
Jo sabza dekh kar khaime lagaayen
Unhein takleef kyun pahuche khizaan se
Jo apne ped jalte chhod jaayen
Unhein kya haq ke roothen baaghbaan se
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں