دھنک دھنک مری پوروں کے خواب کر دے گا — پروین شاکر
شاعر
دھنک دھنک مری پوروں کے خواب کر دے گا
دھنک دھنک مری پوروں کے خواب کر دے گا
وہ لمس میرے بدن کو گلاب کر دے گا
قبائے جسم کے ہر تار سے گزرتا ہوا
کرن کا پیار مجھے آفتاب کر دے گا
جنوں پسند ہے دل اور تجھ تک آنے میں
بدن کو ناؤ لہو کو چناب کر دے گا
میں سچ کہوں گی مگر پھر بھی ہار جاؤں گی
وہ جھوٹ بولے گا اور لا جواب کر دے گا
انا پرست ہے اتنا کہ بات سے پہلے
وہ اٹھ کے بند مری ہر کتاب کر دے گا
سکوت شہر سخن میں وہ پھول سا لہجہ
سماعتوں کی فضا خواب خواب کر دے گا
اسی طرح سے اگر چاہتا رہا پیہم
سخن وری میں مجھے انتخاب کر دے گا
مری طرح سے کوئی ہے جو زندگی اپنی
تمہاری یاد کے نام انتساب کر دے گا
Dhanak dhanak mirī pooroñ ke khvāb kar de gā
Dhanak dhanak mirī pooroñ ke khvāb kar de gā
Voh lams mere badan ko gulāb kar de gā
Qabā-e-jism ke har tār se guzartā huā
Kiran kā pyār mujhe āftāb kar de gā
Junūñ-pasand hai dil aur tujh tak aane maiñ
Badan ko nā'o lahu ko chināb kar de gā
Maiñ sach kahūñgī magar phir bhī hār jāūñgī
Voh jhūṭ bole gā aur la-javāb kar de gā
Anā-parast hai itnā ke bāt se pehle
Voh uṭh ke band mirī har kitāb kar de gā
Sukūt-e-shehar-e-suḳhan maiñ voh phūl sā lahja
Samā'atoñ kī fizā ḳhvāb ḳhvāb kar de gā
Isī tarah se agar chāhtā rahā paiham
Suḳhan-varī maiñ mujhe inteḳhāb kar de gā
Mirī tarah se koī hai jo zindagī apnī
Tumhārī yād ke nām intisāb kar de gā
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں