اک ہنر تھا کمال تھا کیا تھا — پروین شاکر
شاعر
اک ہنر تھا کمال تھا کیا تھا
اک ہنر تھا کمال تھا کیا تھا
مجھ میں تیرا جمال تھا کیا تھا
تیرے جانے پہ اب کے کچھ نہ کہا
دل میں ڈر تھا ملال تھا کیا تھا
برق نے مجھ کو کر دیا روشن
تیرا عکس جلال تھا کیا تھا
ہم تک آیا تو بہر لطف و کرم
تیرا وقت زوال تھا کیا تھا
جس نے تہہ سے مجھے اچھال دیا
ڈوبنے کا خیال تھا کیا تھا
جس پہ دل سارے عہد بھول گیا
بھولنے کا سوال تھا کیا تھا
تتلیاں تھے ہم اور قضا کے پاس
سرخ پھولوں کا جال تھا کیا تھا
Ek hunar thā kamāl thā kyā thā
Ek hunar thā kamāl thā kyā thā
Mujh maiñ terā jamāl thā kyā thā
Tere jāne pe ab ke kuchh na kahā
Dil maiñ ḍar thā malāl thā kyā thā
Barq ne mujh ko kar diyā roshan
Terā aks-e-jalāl thā kyā thā
Ham tak āyā toh bahar-e-lutf-o-karam
Terā vaqt-e-zavāl thā kyā thā
Jis ne teh se mujhe uchhāl diyā
Ḍūbne kā ḳhayāl thā kyā thā
Jis pe dil sāre ahd bhūl gayā
Bhūlne kā savāl thā kyā thā
Titliyāñ the ham aur qazā ke pās
Surkh phūloñ kā jāl thā kyā thā
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں