شام آئی تری یادوں کے ستارے نکلے — پروین شاکر
شاعر
شام آئی تری یادوں کے ستارے نکلے
شام آئی تری یادوں کے ستارے نکلے
رنگ ہی غم کے نہیں نقش بھی پیارے نکلے
ایک موہوم تمنا کے سہارے نکلے
چاند کے ساتھ ترے ہجر کے مارے نکلے
کوئی موسم ہو مگر شان خم و پیچ وہی
رات کی طرح کوئی زلف سنوارے نکلے
رقص جن کا ہمیں ساحل سے بہا لایا تھا
وہ بھنور آنکھ تک آئے تو کنارے نکلے
وہ تو جاں لے کے بھی ویسا ہی سبک نام رہا
عشق کے باب میں سب جرم ہمارے نکلے
عشق دریا ہے جو تیرے وہ تہی دست رہے
وہ جو ڈوبے تھے کسی اور کنارے نکلے
دھوپ کی رت میں کوئی چھاؤں اگاتا کیسے
شاخ پھوٹی تھی کہ ہم سایوں میں آرے نکلے
Shaam aai teri yaadon ke sitare nikle
Shaam aai teri yaadon ke sitare nikle
Rang hi gham ke nahin naqsh bhi pyare nikle
Ek mawhoom tamanna ke sahare nikle
Chaand ke saath tere hijr ke maare nikle
Koi mausam ho magar shaan-e-kham-o-pech wahi
Raat ki tarah koi zulf sanware nikle
Raqs jin ka hamein saahil se baha laya tha
Woh bhanwar aankh tak aaye to kinare nikle
Woh to jaan le ke bhi waisa hi sabak naam raha
Ishq ke baab mein sab jurm hamare nikle
Ishq dariya hai jo tere woh tahi dast rahe
Woh jo doobe the kisi aur kinare nikle
Dhoop ki rut mein koi chhaon ugaata kaise
Shaakh phooti thi ke hum saayon mein aare nikle
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں