وقت رخصت آ گیا دل پھر بھی گھبرایا نہیں — پروین شاکر
شاعر
وقت رخصت آ گیا دل پھر بھی گھبرایا نہیں
وقت رخصت آ گیا دل پھر بھی گھبرایا نہیں
اس کو ہم کیا کھوئیں گے جس کو کبھی پایا نہیں
زندگی جتنی بھی ہے اب مستقل صحرا میں ہے
اور اس صحرا میں تیرا دور تک سایا نہیں
میری قسمت میں فقط درد تہہ ساغر ہی ہے
اول شب جام میری سمت وہ لایا نہیں
تیری آنکھوں کا بھی کچھ ہلکا گلابی رنگ تھا
ذہن نے میرے بھی اب کے دل کو سمجھایا نہیں
کان بھی خالی ہیں میرے اور دونوں ہاتھ بھی
اب کے فصل گل نے مجھ کو پھول پہنایا نہیں
Waqt-e-Rukhsat Aa Gaya Dil Phir Bhi Ghabraya Nahin
Waqt-e-rukhsat aa gaya dil phir bhi ghabraya nahin
Us ko hum kya khoenge jis ko kabhi paaya nahin
Zindagi jitni bhi hai ab mustaqil sehra mein hai
Aur is sehra mein tera door tak saaya nahin
Meri qismat mein faqat dard-e-teh-e-saaghar hi hai
Awwal-e-shab jaam meri simt woh laya nahin
Teri aankhon ka bhi kuch halka gulabi rang tha
Zehan ne mere bhi ab ke dil ko samjhaya nahin
Kaan bhi khaali hain mere aur donon haath bhi
Ab ke fasl-e-gul ne mujh ko phool pehnaya nahin
شاعر کے بارے میں
پروین شاکر اردو کی جدید ترین اور مقبول ترین شاعرات میں شمار ہوتی ہیں، جنہوں نے نسائی حسّیت، جذبات کی لطافت اور اظہار کی شگفتگی کو نئی جہت عطا کی۔ 2...
مکمل تعارف پڑھیں