بن کے تصویر غم رہ گئے ہیں — پیر نصیرالدین
شاعر
بن کے تصویر غم رہ گئے ہیں
بن کے تصویر غم رہ گئے ہیں
کھوئے کھوئے سے ہم رہ گئے ہیں
کیجیے جو ستم رہ گئے ہیں
جان دینے کو ہم رہ گئے ہیں
بانٹ لیں سب نے آپس میں خوشیاں
میرے حصے میں غم رہ گئے ہیں
قافلے والے منزل پہ پہنچے
یہ نہ دیکھا کہ ہم رہ گئے ہیں
اب نہ اٹھنا سرہانے سے میرے
اب تو گنتی کے دم رہ گئے ہیں
اللہ اللہ یہ کس کی گلی ہے
اٹھتے اٹھتے قدم رہ گئے ہیں
کائنات جفا و وفا میں
ایک تم ایک ہم رہ گئے ہیں
دیکھ کر ان کے منگتوں کی غیرت
دنگ اہل کرم رہ گئے ہیں
ہم سے اللہ والے کہاں اب
آپ جیسے صنم رہ گئے ہیں
دو قدم چل کے راہ وفا میں
تھک گئے تم کہ ہم رہ گئے ہیں
وہ تو آ کر گئے بھی کبھی کے
دل پہ نقش قدم رہ گئے ہیں
آج ساقی پلا شیخ کو بھی
اک یہی محترم رہ گئے ہیں
وہ گئے جن کے دم سے تھی رونق
اور رہنے کو ہم رہ گئے ہیں
ان کی ستاریاں کچھ نہ پوچھو
عاصیوں کے بھرم رہ گئے ہیں
اے صبا ایک زحمت ذرا پھر
ان کی زلفوں کے خم رہ گئے ہیں
دور ماضی کی تصویر آخر
اب نصیرؔ ایک ہم رہ گئے ہیں
دل نصیرؔ ان کا تھا لے گئے وہ
ہم خدا کی قسم رہ گئے ہیں
Ban ke tasveer-e-gham rah gaye hain
Ban ke tasveer-e-gham rah gaye hain
Khoye khoye se hum rah gaye hain
Kijiye jo sitam rah gaye hain
Jaan dene ko hum rah gaye hain
Baant len sab ne aapas mein khushiyan
Mere hisse mein gham rah gaye hain
Qafle wale manzil pe pahunche
Ye na dekha ke hum rah gaye hain
Ab na uthna sirhane se mere
Ab to ginti ke dam rah gaye hain
Allah Allah ye kis ki gali hai
Uthte uthte qadam rah gaye hain
Kainat-e-jafa o wafa mein
Ek tum ek hum rah gaye hain
Dekh kar un ke mangton ki ghairat
Dang ahl-e-karam rah gaye hain
Hum se Allah wale kahan ab
Aap jaise sanam rah gaye hain
Do qadam chal ke raah-e-wafa mein
Thak gaye tum ke hum rah gaye hain
Wo to aa kar gaye bhi kabhi ke
Dil pe naqsh-e-qadam rah gaye hain
Aaj saqi pila shaikh ko bhi
Ek yahi mohtaram rah gaye hain
Wo gaye jin ke dam se thi raunaq
Aur rehne ko hum rah gaye hain
Un ki sattariyan kuch na poocho
Aasiyon ke bharam rah gaye hain
Aye saba ek zehmat zara phir
Un ki zulfon ke kham rah gaye hain
Daur-e-maazi ki tasveer akhir
Ab Naseer! ek hum rah gaye hain
Dil Naseer! un ka tha le gaye wo
Hum Khuda ki qasam rah gaye hain
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں