بساط بزم الٹ کر کہاں گیا ساقی — پیر نصیرالدین
شاعر
بساط بزم الٹ کر کہاں گیا ساقی
بساط بزم الٹ کر کہاں گیا ساقی
فضا خموش، سبو چپ، اداس پیمانے
نہ اب وہ جلوۂ یوسف نہ مصر کا بازار
نہ اب وہ حسن کے تیور، نہ اب وہ دیوانے
نہ حرف حق، نہ وہ منصور کی زباں، نہ وہ دار
نہ کربلا، نہ وہ کٹتے سروں کے نذرانے
نہ بایزید، نہ شبلی، نہ اب جنید کوئی
نہ اب و سوز، نہ آہیں، نہ ہاؤ ہو خانے
خیال و خواب کی صورت بکھر گیا ماضی
نہ سلسلے نہ وہ قصے نہ اب وہ افسانے
نہ قدر داں، نہ کوئی ہم زباں، نہ انساں دوست
فضائے شہر سے بہتر ہیں اب تو ویرانے
بدل گئے ہیں تقاضے مزاج وقت کے ساتھ
نہ وہ شراب، نہ ساقی، نہ اب وہ مے خانے
Bisat-e-bazm ulat kar kahan gaya saqi
Bisat-e-bazm ulat kar kahan gaya saqi
Fiza khamosh, suboo chup, udaas paimane
Na ab woh jalwa-e-Yousuf na Misr ka bazaar
Na ab woh husn ke tevar, na ab woh deewane
Na harf-e-haq, na woh Mansoor ki zuban, na woh daar
Na Karbala, na woh katte saroon ke nazrane
Na Bayazeed, na Shibli, na ab Junaid koi
Na ab woh soz, na aahein, na hao hoo khane
Khayal o khwab ki surat bikhar gaya maazi
Na silsile na woh qisse na ab woh afsane
Na qadar-dan, na koi ham-zaban, na insaan-dost
Faza-e-shahr se behtar hain ab to veerane
Badal gaye hain taqaze mizaj-e-waqt ke sath
Na woh sharab, na saqi, na ab woh mai-khane
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں