دین سے دور، نہ مذہب سے الگ بیٹھا ہوں — پیر نصیرالدین
شاعر
دین سے دور، نہ مذہب سے الگ بیٹھا ہوں
دین سے دور، نہ مذہب سے الگ بیٹھا ہوں
تیری دہلیز پہ ہوں، سب سے الگ بیٹھا ہوں
ڈھنگ کی بات کہے کوئی، تو بولوں میں بھی
مطلبی ہوں، کسی مطلب سے الگ بیٹھا ہوں
بزم احباب میں حاصل نہ ہوا چین مجھے
مطمئن دل ہے بہت، جب سے الگ بیٹھا ہوں
غیر سے دور، مگر اس کی نگاہوں کے قریں
محفل یار میں اس ڈھب سے الگ بیٹھا ہوں
یہی مسلک ہے مرا، اور یہی میرا مقام
آج تک خواہش منصب سے الگ بیٹھا ہوں
عمر کرتا ہوں بسر گوشۂ تنہائی میں
جب سے وہ روٹھ گئے، تب سے الگ بیٹھا ہوں
میرا انداز نصیرؔ اہل جہاں سے ہے جدا
سب میں شامل ہوں، مگر سب سے الگ بیٹھا ہوں
Deen se door, na mazhab se alag baitha hoon
Deen se door, na mazhab se alag baitha hoon
Teri dehleez pe hoon, sab se alag baitha hoon
Dhang ki baat kahe koi, to boloon main bhi
Matlabi hoon, kisi matlab se alag baitha hoon
Bazm-e-ahbab mein hasil na hua chain mujhe
Mutmain dil hai bohat, jab se alag baitha hoon
Ghair se door, magar us ki nigahon ke qareeb
Mehfil-e-yar mein is dhab se alag baitha hoon
Yehi maslak hai mera, aur yehi mera maqam
Aaj tak khwahish-e-mansab se alag baitha hoon
Umar karta hoon basar gosha-e-tanhai mein
Jab se woh rooth gaye, tab se alag baitha hoon
Mera andaaz Naseer, ahl-e-jahan se hai juda
Sab mein shamil hoon, magar sab se alag baitha hoon
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں