ہمارا اور کوئی غم گسار بھی تو نہیں — پیر نصیرالدین
شاعر
ہمارا اور کوئی غم گسار بھی تو نہیں
ہمارا اور کوئی غم گسار بھی تو نہیں
تری قسم کا مگر اعتبار بھی تو نہیں
جفا پسند نہیں ناگوار بھی تو نہیں
ستم تو یہ ہے کہ تو شرمسار بھی تو نہیں
تری نگاہ کو آخر کہاں تلاش کروں
رکی نہ دل میں مگر آر پار بھی تو نہیں
کسی غریب پہ آنسو بہائے کون یہاں
یہ بے کسی ہے کہ شمع مزار بھی تو نہیں
ہزار بار پکارا اسے محبت میں
جواب اس نے دیا ایک بار بھی تو نہیں
تلاش پھر ہے مری آج کیوں زمانے کو
نشان قبر کہاں اب غبار بھی تو نہیں
کہاں پہ جا کے کریں کنج عافیت کی تلاش
نصیرؔ جائے سکوں کوئے یار بھی تو نہیں
Hamara aur koi ghamgusaar bhi to nahin
Hamara aur koi ghamgusaar bhi to nahin
Teri qasam ka magar eitbaar bhi to nahin
Jafaa pasand nahin, na-gawaar bhi to nahin
Sitam to yeh hai ke tu sharmsaar bhi to nahin
Teri nigaah ko aakhir kahan talaash karoon
Ruki na dil mein magar aar paar bhi to nahin
Kisi ghareeb pe aansu bahaye kaun yahan
Yeh be-kasi hai ke shama-e-mazaar bhi to nahin
Hazaar baar pukaara use mohabbat mein
Jawaab us ne diya ek baar bhi to nahin
Talaash phir hai meri aaj kyun zamaane ko
Nishaan-e-qabr kahan ab ghubaar bhi to nahin
Kahan pe ja ke karein kunj-e-aafiyat ki talaash
Naseer jaaye sukoon koo-e-yaar bhi to nahin
شاعر کے بارے میں
پیر سید نصیر الدین نصیر گیلانی اردو ادب اور صوفیانہ شاعری کے ممتاز شاعر، عالم اور صوفی بزرگ تھے۔ ان کی ولادت 14 نومبر 1949ء کو گولڑہ شریف، اسلام آب...
مکمل تعارف پڑھیں